Gaskavahkku deaivvadedje Olgešbellodaga sámedikkejoavku Máhttoministariin Torbjørn Røe Isaksen ságastallat sámi oahpahusáššiid birra.
Gaskavahkku deaivvadedje Olgešbellodaga sámedikkejoavku Máhttoministariin Torbjørn Røe Isaksen ságastallat sámi oahpahusáššiid birra.
– Mii leat digaštallan earret eará gáiddusoahpahusa. Julevsámi stipeanddavirggiid, Máttasámi bachelorgráda álggaheami ja eará fáttáid mat gusket sámi gillii ja oahpahussii. Mii vásihit ahte máhttoministtar gullá min ja lea ovttaoaivilis minguin, lohká Olgeža joavkojođiheaddji sámedikkis Lars Filip Paulsen.
–Lea hui dehálaš bargu vuhtiiváldet daid iešguđet sámegielaid mihtilmasvuođa, ja midjiide lei mávssolaš deaivvadeapmi ja oaiviladdin maid oaččuimet sámedikkejoavkkus, lohká Máhttoministtar Torbjørn Røe Isaksen.
Máhttominsttar evttohii maiddái ahte Olgeža sámedikkejoavku ja politihkalaš jođihangoddi máhttodepartemeanttas galget deaivvadit jeavddalaččat digaštallat sámi áššiid.
