-Almmuhus-
-Almmuhus-
-Almmuhus-
OĐĐASAT–Oahpahus- ja diehtodárbbut nuortalaččaid birra

–Oahpahus- ja diehtodárbbut nuortalaččaid birra

-

-

Samfunnsviterne-fágasearvvi Finnmárkku ossodaga stivra celkkii ahte lea dárbu guorahallat ja dutkat nuortalaččaid dili, sihkarastin dihtii sin vuoigatvuođaid ja ollašuhttit Norgga riikkadási ja riikkaidgaskasaš geatnegasvuođaid nuortasápmelaččaid ektui.

Samfunnsviterne-fágasearvvi Finnmárkku ossodat oaivvilda ahte lea dárbu čalmmustahttit ja guorahallat nuortalaččaid dili.

– Ulbmil lea sihkkarastit sin vuoigatvuođaid ja ollašuhttit Norgga našunála ja riikkaidgaskasaš geatnegasvuođaid nuortalaččaid ektui, lohká Samfunnsviterne-fágasearvvi Finnmárkku ossodaga stivrra fylkajođiheaddji Jelena Porsanger. Dan sii mearridedje čoahkkimis go lei áššis Ä’vv Saa’mi mu’zei / Nuortalaččaid musea rahpan Njávdámis birra.

 

Oaidnemeahttun vehádat ealáskeame

Fágasearvvi Finnmárkku ossodat leat ilus go Ä’vv Saa’mi mu’zei rahpasa olbmuid várás geassemánu 16. beaivve 2017.

Nuortalaččat leat sámi vehádat, mii lea biđgejuvvon Ruošša, Norgga ja Suoma gaskkas rájáid geassima geažil. Našunálastáhtat leat historjjá čađa garrasit dulbmon nuortalaččaid.

– Dat lea čuohcan hui negatiivvalaččat nuortalaččaid gillii, árbevirolaš ealáhusaide ja vuoigatvuođaide. Nuortalaččat leat leamaš nana olbmot ja birgejeaddjit, vaikko sii vásihedje ge rádjágeassimiid, bággofárremiid, vuoigatvuođaid massima boazodollui ja guollebivdui, čállá fágasearvi.

Nuortalašgiella lea ealáskeamen ja nanosmuvvamin.

– Norgga bealde nuortalaččat leat leamaš ja leat ain meastá oaidnemeahttun vehádat, čállet sii. 

 

Diehtojuohkima dehálaš arenan

– Samfunnsviterne-fágasearvvi Finnmárkku ossodat oaidná ahte lea dárbu oahpahussii ja oahpuide nuortalaččaid árbevieruin, gielas ja historjjás sihke Finnmárkkus ja olles Norggas. Mediat, skuvllat, mánáidgárddit, politihkkárat, hálddašeaddjit ja buot mielborgárat bohtet ávkkástallat oahpus nuortalaččaid historjjás, sin nanavuođas ja kreativitehtas. Nuortalaš musea šaddá diehtojuohkima dehálaš arenan. Samfunnsviterne-fágasearvvi Finnmárkku ossodat bivdá Finnmárkku fylkkagieldda, Sámedikki ja stáhtaeiseválddiid doarjut dan proseassa, lohká searvvi fylkajođiheaddji Jelena Porsanger.

Son muitala iežas oassálastit rahpanprográmmas bearjadaga.

-Almmuhus-