-Almmuhus-
-Almmuhus-
-Almmuhus-
OĐĐASATNSR álggaha doaimmaid Metoo-kampánnja maŋŋil: – Leat gullostan dáhpáhusat

NSR álggaha doaimmaid Metoo-kampánnja maŋŋil: – Leat gullostan dáhpáhusat

-

-

Norgga Sámiid Riikkasearvi (NSR) láhčá iežas miellahtuide vejolašvuođa muitalit leat go vásihan seksuálalaš vuortnuhemiid ja unohisvuođa organisašuvnnas.

NSR jođiheaddji Beaska Niillas muitala ahte áiggiid čađa leat gullostan dáhpáhusat, ja leat váldán duođas ja čuovvolan daid.

– Muhto eat dieđe man viiddis ja leat go siskkáldas dáhpáhusat ja vásáhusat min organisašuvnnas. Váldoulbmil lea ahte NSR galgá leat dorvvolaš organisašuvdna, muhto lea veaháš ovttageardán jurddašit ahte mis eai leat dakkárat mat muđuid servodagas dáhpáhuvvet, lohká Beaska Niillas.

Son ii loga maŋemuš jagiid boahtán makkárge dieđihemiid NSR:i.

NRK Sápmi dieđihii dán áššis ovddemus.

 

Láhčet dillii

NSR lea mannan riikačoahkkima rájes bidjan ollu fuomášumi fáddái, ja ulbmil dál lea láhčit dili vai besset diehtit jus leat dáhpáhusat.

– Jus eat dieđe, de eat beasa olus bargat, nu láhčit vejolašvuođa olbmuide muitalit jus leat vásáhusat, čilge Beaska Niillas Ávvirii.

-Almmuhus-