-Almmuhus-
OĐĐASATJohtolat ain vuoruhuvvo

Johtolat ain vuoruhuvvo

-

-

– Ráđđehusa johtolaga vuoruheapmi laktá riikka buorebut oktii. Mii hukset luottaid ja ruovdemáđija jođáneappot go ovdal, ja mii vuoruhit teknologiija, lohká johtalusministtar Dale.

– Dakko bokte láhčit mii geahppaseappot árgabeaivvi eanas olbmuide, nannet ealáhusaid gilvalannávccaid, ja viiddidit ássan- ja bargoregiovnnaid. Ráđđehus evttoha juolludit 73,1 miljárdda ruvnna johtolahkii. Dat lea 5,4 miljárdda ruvnna lassáneapmi dehe 7,9 proseantta 2018:i salderejuvvon bušeahtas. Dáinna evttohusain lea johtolatbušeahtta lassánan olles 75 proseanttain 2013 rájes, lohká johtalusministtar Jon Georg Dale preassadieđáhuas. 

 

73,1 miljárdda

– Buorre infravuogádat lea investeren boahttevaš čálgui. Jagi 2019:i evttoha ráđđehus juolludit 73,1 miljárdda ruvnna johtolahkii. Dain manná 65,2 miljárdda ruvnna čuovvulit Našunála fievrredanplána 2018-2029. Min váldovuoruhemiid vuolggasadji johtolatbušeahtas váldá maid vuhtii Našunála fievrredanplána váldoulbmiliid, dan ahte galgá leat álki sihke olbmuide johtit ja fievrredit gálvvuid olles riikkas, unnit fievrredanlihkohisvuođat ja unnit áibmonuoskkideapmi dálkkádatgássaid ektui, dadjá Dale ráđđehusa neahttasiiddus.

-Almmuhus-