Porsáŋggu kvena giellaguovddáš lágida boahtte lávvardaga johkafanasdeaivvadeami Leavdnjajoga johgáttis.
Kvenasearvi Leavnnjas ráhkadii diibmá dollasaji ja goavddi Buođđosavvonii mii lea bajábeale Nedre Smørstad. Dál bovde searvi álbmoga boahtit dán báikái lávvardaga tiibmu 14–17.
– Porsáŋggu kvena giellaguovddáš bovde álbmoga boahtit dán báikái lávvardaga, borgemánu 26. beaivvi. Mii lágidit doaluid gaskal tiibmu 14 ja 17. Doaimmat leat čuimmiin gorgŋet johkafatnasiin bajás Leavdnjajoga, šaddá veaháš kultuvrralaš guoimmuheapmi, stohkosat mánáide ja mii čájehat dološ bivdovugiid. Mii guossohat luossamáli ja káfe, lohká Kvenainstituhta kulturbargi Riinakaisa Laitila.
Son muitala sii leat liggen sávnnji johkagáttis, gos sáhttá sávdnjut guđa áiggi rájes eahkes. Laitila rávve olbmuid maid váldit fárrui stuolu, borramuša maid sáhttá dolas bassit ja juhkamuša go lea vejolaš dán deaivvadeami vanahit eahketbotta.
Lágideaddjit lea Porsáŋggu kvena giellaguovddáš, Kvena instituhtta ja RiddoDuottarMuseat.
