Mannan ija lei biilalihkohisvuohta Muosáin.
Mannan ija lei biilalihkohisvuohta Muosáin.
Finnmárkku politiijaguovllus dieđihit ahte mannan ija lea leamaš johtolat lihkohisvuohta Gádde-Iččáin Muosáin.
– Personbiila mas ledje guokte guđátlot-jahkásaš albmá vujii badjel geainno mannan ija. Nubbi sudnos jámii báikái, čállet politiijat twitteris.
Dát dáhpáhuvai diibmu 02.30 mannan ija.
– Oapmahaččat leat ožžon jápmasága. Mii eat sáhte vuos dadjat maidege lihkohisvuohtasiva birra, dieđihit politiijat.
Nubbi dolvojuvvon buohccivissui
Politiijat čállet ahte jápmán almmái dolvojuvvui SeaKing helikopteriin Ávanuorrái.
– Nubbi almmái lea veahá roasmmehuvvan ja lea dolvojuvvon Hammerfeastta buohccivissui, čállet politiijat.
Politiijat leat dál lihkohisvuohta báikkis.
– Stáhta geaidnodoaimmahaga lihkohisvuohtajoavku lea maid jođus báikái, sii galget veahkehit guorahallat lihkohisvuohtabáikki, dieđihit politiijat.
