Geainnut

Ikte bávkaledje Áilegastunealla čađa, mii lea Álttá oarjjabealde. Prošeaktajođiheaddji lea duhtavaš bargguin, ii ge loga leamaš váttes hástalusaid. – Lea leamaš hui earenoamáš ja somá jođihit dán stuora prošeavtta, dadjá Torgeir Dahle. Geahča video!

10:02 Cuoŋománu 21. beaivi 2017

Kárášjoga gielda lea mearridan njeallje njárgageainnuid divodit dán jagi.

09:32 Cuoŋománu 11. beaivi 2017

Ráđđehusa evttohus,Našunála johtolatplánii sáhttá maŋidit modulagálvobiillaid gálvofievrredeami gitta 2037 rádjái, Finnmárkku deháleamos gálvofievrridanjohtolagas, lohká Finnmárkku fylkkagieldda johtalusváldolávdegotti jođiheaddji Geir Ove Bakken. 

14:26 Cuoŋománu 10. beaivi 2017

Stuorát uđasvárra Romssas dagaha ahte politiijat ja eará etáhtat čavgejit gearggusvuođadoaimmaid. Máŋgga sajis lea várradássi badjánan njelježii, mii lea nubbin alimus dássi.

09:21 Cuoŋománu 04. beaivi 2017

Sotnabeaivve guolddut dagahedje bárttiid, Šuoššjávrre ja Gievdneguoikka gaskkas ledje máŋga biilla darvánan. Inger Anita Øvregård muitala muohtačorgejeaddji seavván biillaid meaddil, ja biillat de darvánedje jovgon geainnuide. GEAHČA VIDEO:

13:51 Njukčamánu 27. beaivi 2017

Finnmárkku politiijat ávžžuhit olbmuid vuodjit várrogasat.

14:30 Skábmamánu 19. beaivi 2016

Boahtte jagi vuhtto maid ahte olu ruhta biddjo Davvi-Norgga luottaide. Ráđđehus lea várren Deanu ođđa šalddi huksemii 260 milljovnna ruvnno, go dat álggahuvvo boahtte čavčča.

14:42 Golggotmánu 17. beaivi 2016

Stáhta iežas riskaguorahallan čájehii ahte Vuošváretunealla lea hirbmat váralaš, liikká gesse sii iežaset ruhtadeami ruovttoluotta. – Mii fertiimet hoahpus ruhtadit divodeami maŋŋil go fylkkamánni oaččui ovddasvástádusa Vuošváretunealla ovddas 2009:s, dadjá Tromssa fylkkaráđđi reivvestis departementii.

09:32 Cuoŋománu 15. beaivi 2016