Biebmogávppit ávžžuhit olbmuid gávppašit beassášborramuša ja eará gálvvuid árabut go lávejit vai unnidit koronadávdda njoammuma. Nu čállá NTB.
Dál ávžžuhit Norgesgruppen ja Rema 1000 olbmuid gávppašit beassášgálvvuid nu johtilit go vejolaš.
– Lea deaŧalaš ahte plánejit bures ja gávppašit ovdal go dábálaččat dan maid dárbbašit, dadjá Norgesgruppena gulahallanhoavda Kine Søyland.
Dasa gullet earret eará Kiwi, Meny, Spar ja Joker gávppit.
Sii ávžžuhit maid olbmuid gávppašit dušše dan maid dárbbašit ja jearrat lagaš olbmáin, bearrašiin jus sii dárbbašit veahki gávppašit.
Telemárkku buohcciviesu njoammuneastadandoavttir Marjut Sarjomaa lohká maid detalaš rávan doallat guhkkin eret nuppi olbmos gávppis.
– Ale mana nu lahka earáid. Nu mii maid eastadit njoammuma, dadjá son. Nu čállá NTB.
