Mannan ija lei 70-jáhkásaš dievdu darvánan skohteriin Guovdageainnu duoddaris ja dárbbašii gádjunveahki.
Diibmu beal njealjis mannan ijá dieđihedje Finnmárkku politiijat Twitteris ahte 70 jahkásaš dievdu lea darvánan skohteriin duoddarii ja dárbbašii veahki. Ihkku lei garra dálki ja hástaleaddji guovlu gos galge ohcat dievddu. Sihke Rukses Ruossa ja Ruovttusuodjalus ledje veahkkin gádjunakšuvnnas
Dievdu gávdnui sullii guokte diimmu maŋŋel. Son lei gozuid alde ja buori vuoimmis. Veahkkebálvalusat válde dievddu mielde dearvvašvuođaguovddážii iskosii.
– Norgga gádjunbeatnagat, Siviilasuodjalus ja Suodjalus ledje buohkat veahkkin ohcame dievddu. Giitu buohkaide geat ledje veahkkin, čállet Finnmárkku politiijat Twitteris.
