-Almmuhus-
-Almmuhus-
-Almmuhus-
OĐĐASATDutkan: 65 000 boares olbmo vásihit veahkaváldima

Dutkan: 65 000 boares olbmo vásihit veahkaváldima

-

-

Ođđa dutkan čujuha dasa ahte sullii 65 000 olbmo Norggas geat orrot ruovttus, leat vásihan veahkaváldima dahje rihkkuma maŋŋel go leat deavdán 65 jagi.

Logut bohtet dan vuosttaš viiddis iskkadeami suorggis, čállá Vårt Land.

– Lea váivi go sullii 65 000 olbmogeat leat badjel 65-jahkásaččat ja orrot ruovttus, leat vásihan veahkaváldima dahje rihkkuma. Logut eai leat nu hirpmástuhttit, muhto dát leat áibbas ođđa dieđut fáttá birra. Lea vuosttaš háve go sáhttit ovdanbuktit loguid veahkaiváldima birra dán ahkejoavkkus, muitala Astrid Sandmoe.

Son lea Nasjonalt kunnskapssenter om vold og traumatisk stress (NKVTS) prošeaktajođiheaddji.

Irlánda ja Stuorrabritánnia leat guokte dan moatti riikkas mat leat iskan man dávjá boarrásat vásihit veahkaváldima. Oassi geat vásihit veahkaváldima lea alit Norggas go dan guovtti riikkas.

Boarrasiidpolitihkalaš ságadoalli Ovddádusbellodagas, Bård Hoksrud, hirbmasit reagere loguide. Son oaivvilda dárbbašuvvo boarrásiidombuda.

 

Boarrásiidombud

– Boares olbmot ánssášit leat dorvvolačča, leaš ge buohcciruovttus dahje iežat ruovttus. Dát lea danin hui duođalaš, ja dát logut čájehit ahte lea dárbu bargat juoga dáinna, dadjá Hoksrud kommentáras NTB:ii.

Son oaivvilda dát čájeha ahte lea dárbu álggahit boarrásiidáittardeaddji.

– Sin bargu ferte leat aktiivvalaččat bargat ovttas politiijain ja dearvvasvuođabargiin, vai easttadit veahkaváldima boarrásiid vuosttá, joatká son.

Son jáhkká boarrásiidáittardeaddji sáhttá dagahit ahte eambbo boarrásat dieđihit dákkár dáhpáhusaid birra.

-Almmuhus-