-Almmuhus-
-Almmuhus-
-Almmuhus-
OĐĐASATDronnet ávvuda odne Ráissas

Dronnet ávvuda odne Ráissas

-

-

Dronnet Sonja lea dál Ráissas, gos son galgá searvat Ráissa álbmotmeahci 30 jagi ávvudeapmái. Geahča video!

Dál lea Dronnet Sonja ollen Ráisii «Gonagasskiipain Norga«.

Son galgá searvat Ráissa álbmotmeahci 30 jagi ávvudeapmái, mii lea odne.

Dronnet joavddai rivttes áigái Ráisi.

Su válddiiga vuosttá Ráissa sátnejođiheaddji Øyvind Evanger ja Ráissa álbmotmeahci stivrajođiheaddji Hilde Nyvoll.

Nu go lea ge dáhpi, de ledje guokte máná geat geigiiga liđiid Dronnegii.

Ráissas lea hui mierká dál, muhto Dronnet galgá fanastuvrii bajás Ráissajoga, ja doppe galgá leat hui fiinna dálki.

 

Halti álbmotmeahciguovddáš

Álggos galgá Dronnet oassálastit doaluide mat leat Halti álbmotmeahciguovddážis Ráissas.

Doppe galget earret eará Ráissa sátnejođiheaddji Øyvind Evanger, Dálkkádat- ja birasdepartemeanta Ingunn Iversen ja Sámedikki Jørn Are Gaski dadjat moadde sáni.

Maŋŋil lea maid kultuvrralaš guoimmuheapmi. Doalut leat duššo rahpas bovdejuvvon gussiide, ja sidjiide guhte leat billeahtaid fidnen ovdagihtii.

 

Johkafatnasin Ráiseanu bajás

Dasto vuolgá Dronnet Ovi Raishiinii, gos son manná viidásit johkafatnasiin Ráissa álbmotmeahci sisa, gitta Mollešgoržži duohkai.

Doppe son beassá maid oaidnit Ráissa álbmotmeahci, gos juste dán áiggi lea olu aktivitehta, nu go ovdamearkka dihte luossabivdit ja tuvravázzit.

Romssa fylkkamánni dieđiha preassadieđáhusas ahte sii háliidit ovttas álbmotmeahci stivrrain čájehit álbmotmeahci luonddu- ja kultuvrralaš árvvu.

-Almmuhus-