-Almmuhus-
-Almmuhus-
-Almmuhus-
OĐĐASATDivttasvuona ášši ovddas bálkkašupmi

Divttasvuona ášši ovddas bálkkašupmi

-

-

Fritt Ord vuođđudusa bálkkašupmi 2018 geigejuvvo Harald Amdalii, Eirik Linaker Berglundii, Thor Harald Henriksenii ja Kenneth Hættai go leat luohttevašvuođain ja váikkuhusaid dihte roggan dieđuid Divttasvuona-áššis.

– Ášši lea earenoamáš buorre ovdamearka vuđolaš ja guorahalli journalistihkas mas leat stuora servodatlaš váikkuhusat. Dat sáhttá leat inspirašuvdnan mediadilis mas redakšuvnnat rahčet vuoruhit stuora ja gáibideaddji prošeavttaid, lohká Fritt Ord vuođđudusa stivrajođiheaddji Grete Brochmann preassadieđáhusas.


Kenneth Hætta lea okta njealji journalisttas geat ožžot bálkkašumi go leat Divttasvuona áššiid buktán albmosii. Preassagovva: Torgrim Halvari. Preassagovva: Torgrim Halvari.

 

Guhkit áiggi badjel bargan

Divttasvuona ášši lea juste nu go journalistihkalaš servvodatdoaibma lea, suddjet eaŋkilolbmuid ja joavkkuid vearredaguid ja goarádusaid vuostá, ja go almmostahttimiin ledje stuora váikkuhusat.

– Sihke politiijat, diggedoaibma, almmolaš hálddašeaddjit ja guoskevaš risttalaš birrasat leat bargan ja čuovvolan ášši. Áššis leat čájehan ahte lea geatnegahtton dieđihit jus ballá rohcošemiid dáhpáhuvvamis, ja eastadangeatnegasvuođa čađahit mii manná ovdalii jávohisvuođageatnegasvuođa. Seksualálaš rohcošeapmi lea ain fáddá mii lea tabuášši ja heahpat. Luohttevašvuođa hukset gillájeddjiiguin guhkit áiggi badjel ja addit sidjiide oadjebasvuođa ja váikkuheami, gáibida ahte gullá sin ja čájeha ipmárdusa sidjiide, čállá Fritt Ord sin neahttasiiddus.

 

Bálkkašupmi geigejuvvo miessemánu 2. beaivvi Den Norske Opera & Ballet visttis Oslos, ja bálkkašupmi lea 400 000 ruvnno. Dasa lassin ožžot bálkkašumi vuoitit statueahta man Nils Aas lea hábmen.

-Almmuhus-