Dál leat Norggas boahtán ođđa njuolggadusat mat gusket hárjehallamii maid fertet čuovvut.
Dearvvašvuođadirektevra Bjørn Guldvog dadjá ahte eambbosat go viđas eai oaččo hárjehallat ovttas ja sii geat hárjehallet fertejit doalahit guovtti mehtera gaskka nubbi nubbái.
Guldvog dadjá ahte ii leat lohpi čađahit organiserejuvvon hárjehallama gos lea oktavuohta nuppiiguin.
Dearvvašvuođadirektevra deattuhii ahte ii leat lohpi geavahit molssodanlanja.
– Buot ferte dahkkot vai sihkkarastá njoammunsuodjalusa, dadjá Guldvog.
