-Almmuhus-
OĐĐASATDálkkit davvin ja luottat jovgojit: Ávžžuhit biilavuddjiid bissut ruovttuin

Dálkkit davvin ja luottat jovgojit: Ávžžuhit biilavuddjiid bissut ruovttuin

-

-

Davvi geaidnojohtolatguovddáš ávžžuha biilavuddjiid Davvi-Norggas garvit dárbbašmeahttumis biilamátkkiid Davvi-Norggas. 

– Lea heajos siivu, luottat leat gitta ja koronadilli dagaha ahte báikkálaš guovlluid aktevrrain lea olu bargu, čállá Davvi geaidnojohtolatguovddáš sotnabeaivvi.

Mánnodaga dieđihuvvojit neahttasiiddu bokte ain olu luottat gitta ja oidnojit maid čađaheame ráidovuodjimiid beaivvi mielde soames báikkiin davvin.

Seammás go leat garra dálkkit davvin, de dieđihuvvo maid stuora uđasvárra lagamus beivviid ollu báikkiin olles Davvi-Norggas.

Helgelánddas lea buot stuorámus uđasvárra disdaga. Muđuid lea alla uđasvárra maid Mátta-Romssas, Sálttus, Ofuohtas ja Lofuohtas, dieđiha varsom.no. 

(©NTB)

-Almmuhus-