-Almmuhus-
OĐĐASATBoazodoallu fokusis galledeamis

Boazodoallu fokusis galledeamis

-

-

Go eanandoallo- ja biebmoministtar Jon Georg Dale galleda Finnmárkku boahtte vahkku, de galgá boazodoallu leahkit ollu fokusis.

Eanandoallo- ja biebmoministtar Jon Georg Dale boahtá Finnmárkui ja Áltái cuoŋománu 20. ja 21. beivviid. Prográmma ii leat vel áibbas gárvvis, muhto boazodoallu galgá leahkit ollu fokusis.

 

Vuosttaš beaivvi, gaskavahku 20. beaivvi iđđes, galgá ministtar leahkit mielde lástet ealu prámái suvdingárddi luhtte Šuvesluovttas Álttás.

Nuppe beaivvi galgá Dale deaivvadit Sámedikki ráđđeláhtuin Silje Karine Muotkain, geas lea sámedikki bealis ovddasvástádus boazodoalloáššiide.

 

Muđui galgá Eanandoallo- ja biebmoministtar go lea Álttás galledit earret eará Gargia ja vuodjit beatnagiiguin, galledit sávzadálu ja maid oažžut dihtojuohkima vuovdedoalu birra.

 

-Almmuhus-