boazodoallu

Ovdalaš áiggi masse olu boazosámit iežaset rivttiid ja duvdiluvvojedje eret ealáhusas. Masá 50 jagi maŋŋel go Baal-bearaš massii eallinláibbis, de háliidivččiiga oappážagat ruovttuluotta boazodollui. Norgga Árktalaš Universitehta juridihkalaš professor Øyvind Ravna dadjá dán váddása duohken.

Almmuhuvvon odne, dii. 07:00 Golggotmánu 20. beaivi 2017

Juohke jagi gávdnet sii bohccuid maidda leat sorron boares telefon­streaŋggat, ja bohccuid mat leat darvánan daidda ja jápmán meahccái. – Dál lea áigi čálligoahtit beaivesáhkuid Telenorii, oaivvilda boazodoalli.

Almmuhuvvon ikte, dii. 13:50 Golggotmánu 19. beaivi 2017

Hávit eai leat sávvon vaikke leat gollan masá 50 jagi dan rájes go bearaš duvdiluvvui eret boazodoalus. Oappášguovttes muitaleaba ahte masse visot maŋŋel go čáhcefápmorusttet huksejuvvui sin eatnamiidda. Dál čuovvuba diggeášši mas njeallje orohaga dáistalit jiehtanaslinjjá huksema vuostá. Sudno bearraša historjá geavahuvvo ovdamearkan dikkis.

Almmuhuvvon ikte, dii. 07:00 Golggotmánu 19. beaivi 2017

Romssa fylkasuohkan lea hábmemin guovllu boazo­doalloplána ja dan oktavuođas ohcá fitnodaga mii galgá guorahallat sisabahkkemiid mat váikkuhit boazodollui.

13:17 Golggotmánu 18. beaivi 2017

Sisabahkkemat leat čuohcan boazodollui áiggiid čađa, ja dál ballet Basevuovddi orohagas el-fápmolinjá gáržžidit guohtoneatnamiid vel eambbo. Dát váikkuha boazodoalu nuoraid boahtteáigái, váruha advokáhta.

07:00 Golggotmánu 18. beaivi 2017

Son guhte lea váldoolmmoš áššis galgá leat boazobargi, ja lea áššáskuhtton goddán golbma guovžža ja golbma albasa.

08:52 Golggotmánu 17. beaivi 2017

Statnett jiehtanas linjá sáhttá olbmuid duvdit eret boazodoallo­ealá­husas. Fiettar orohagas gáibidit ahte el-fápmo­linjá sirdojuvvo. Davvi-Romssa diggegoddi gieđahallá ášši.

09:52 Golggotmánu 15. beaivi 2017

Ráđđehus lea stahtabušeahtas evttohan heaittihit divadiid ealáhusfievrruin mat ostojuvvojit boazodollui, dát ii illudahte dušše badjeolbmuid. Frode Utsi AS fitnodat vuovdi mielas maid leat dát buori ođđasat.

12:04 Golggotmánu 12. beaivi 2017

Statnett dáhttu čoavdit Davvi-Norgga elrávdnjelágideami hástalusaid Davvi-Norggas, muhto jiehtanaslinjjás leat stuora váikkuhusat boazodollui. Dán vahkkus meannudišgođii Davvi-Romssa diggegoddi ášši.

13:58 Golggotmánu 10. beaivi 2017
Norgga-Ruoŧa boazoguohtunsoahpamuš

– Min orohahkii ii lean Sámedikki evttohus buoret go álgočálus, soittii vel vearrát, lohká orohatovdaolmmoš.

15:06 Golggotmánu 06. beaivi 2017

Siiddut