Riddu Riđus beasat geahččat Ofelaš-filmma mas lea dušše musihkka eai ge huma, «Bluppe» joikikála bihttá ja gullat Trio Boogiemen joavkku.
Riddu Riđus beasat geahččat Ofelaš-filmma mas lea dušše musihkka eai ge huma, «Bluppe» joikikála bihttá ja gullat Trio Boogiemen joavkku.
Riddu Riđđu sámi oassi prográmmas dán jagi heive sihke mánáide, nuoraide ja rávisolbmuide, dieđiha Riddu Riđđu preassadieđáhusa bokte.
«Bluppe»
Juoigan, dánsun, lávlun, musihkka ja teaksta leat oassin joikikálas «Plupp». Čájálmas lea sihke lullisámegillii ja dárogillii, ja mielde leat Hilde Stensland, Nils Rune Utsi ja Marte F. Sarre.
Bluppe lea Inga Borg girjjiid vuođul ráhkaduvvon čájálmassan, ovtta unna olbmáža birra geas leat alit vuovttat ja orru duoddaris.
Ailu Valle
Politihkalaš teavsttaiguin ja erenoamáš jietnaráhkadanvugiin lea Ailu Valle šaddan dovddusin. Son rappe oarjemáilmmi eallinvuogi birra ja movt luondu billahuvvá ja sámiid ealát. Su mielde lea Trio Boogiemen.
Ofelaš-musihkain
Nils Gaup filbma «Ofelaš», lea čájehuvvon Romssa filbmafestiválas vuohččan, ja filmmas leat váldán eret hupmama ja musihka. Jakob Janssønn lea ráhkadan musihka filbmii.
– Mun illudan beassat čájehit dán ođđamállet vuogi Sámi vuosttaš ja stuorimus filmmas. Vuollegašvuođain válden barggu maid TIFF jearai mus – ráhkadit musihka Ofelaš-filbmii ja lei ge illudahtti go mearrasápmelaš oaččui dan barggu, muitala Jakob Janssønn.
