-Almmuhus-
-Almmuhus-
-Almmuhus-
OĐĐASATBjørn Inge Mo lea jápmán

Bjørn Inge Mo lea jápmán

-

-

Romssa ja Finnmárkku fylkkaráđijođiheaddji jámii mannan ija, 54-jahkásažžan. 

Ovddeš Sámedigge politihkkár ja dálá Romssa ja Finnmárkku fylkkaráđijođiheaddji, Bjørn Inge Mo jámii iežas ruovttus sotnabeaivvi čuovganeapmái. 

Mo lei guhká mielde politihkas ja son lei earret eará Sámediggeáirras 2017 rájes ja lea maid leamaš sátnejođiheaddji Gáivuona suohkanis 2003 rájes gitta 2015 rádjai. Dasa lassin lei son dálá fylkkaráđijođiheaddji. 

– Eat báljo jáhkkán go gulaimet surgadis ođđasa, ahte Bjørn Inge Mo lea jápmán. Romsa ja Finnmárku lea massán ovtta čeahpes politihkalaš jođiheaddji, ovtta gii álo fálai iežas veahki loktet ášši fylkka ovddas ja maid min riikkaoasi ovddas. Sus lei maid álo áigi deaivat buohkaid geat suinna háliidedje deaivvadit ja čoahkkinastit. Son guldalii buohkaid sáttasáni ja neavvui maid mo viidásit. Bjørn Inge lei dakkáraš almmái gii álo oinnii olbmo vuosttažin. Nuorra vai boaris, vaikko makkár ámmát ja vaikko makkár livnnet vel lei ge sus. Go Bjørn Ingen lei leamaš čoahkkimis, de lei buohkaide njommon su buorre mokta ja liekkus modji, dadjet fylkkasátnejođiheaddji Tarjei Jensen Bech, fylkkaráđi nubbijođiheaddji Ronald Wærnes ja Romssa Bargiidbellodagajođiheaddji oktasaš cealkámušas. 

-Almmuhus-