Folkeakademia Deatnu/Tana ja ScenEvent Unjárggas-Nesseby bovdejit álbmoga vuosttaš vahkkoloahpa adveanttas, juovlamánu 2. ja 3. beaivvi, adveantakonsertii. Artisttat leat Sámi Grand Prix 2023 vuoiti Mihka Helander, Máret Áile Gaup Beaska, báikkálaš artisttat ja Untak lávlunkoara.
Lea nuppi jagi go Folkeakademia lágida konseartta Deanu Šalddi juovlačuovggaid cahkkeheami oktavuođas. Dán jagi ovttasbarget Scen-Event Unjárgga-Nesseby konseartta ja konsearta lágiduvvo guktuid gielddain. Lávvardaga lágiduvvo konsearta Deanus Miljøbygget dálus ja sotnabeaivvi Unjárggas Elverhøy Kulturlávddis.
– Juovladovddu loktemii beassat mii gullat Deanu-násttiid 2023 Sámi Grand Prixas ja báikkálaš artisttaid. Earret Mihka Helandera ja Máret Áile Gaup Beaskka, beassat maid gullat Ann Jorid Henriksena, Ann Sissel Andersena, Bent Johansena, Dag Brocha, Emilie Olsen Kjerstada ja Inkeri Laitinena ja Untak lávlunkoara. Musihka fuolahit Scene Nord čuojaheaddjit: Asbjørn Ruud gitárain, Andreas Gundersen pianoin, Alexander Seipæjærvi Berg bássain ja Kim-Erling Mehti Johansen rumbbuin, čálliba Folkeakademija Deatnu jođiheaddji Andreas Gundersen ja Scen-Event Kim Erling Mehti Johansen preassadieđáhusas.
