Norgga Boazosápmelaččaid Riikkasearvvi ovdaolmmoš, Ellinor Marita Jåma. Govven: Nils Johan Vars (vuorkágovva)

– Eai leat jođánis doaimmat bidjat johtui

Norgga Boazosápmelaččaid Riikkasearvvis eai leat makkárge jođánis doaimmat maid sáhttet bidjat johtui jus eambbo sullasaš áššit čuožžilit, go dat mii dáhpáhuvai Finnmark Rein njuovahagas. 

13:36 Skábmamánu 14. beaivi 2017

Jođiheaddji, Ellinor Marita Jåma, lohká ahte sii diehttelasat áigot dáid áššiid birra hupmat boahttevaš boazodoallošiehtadusas, ja sii leat maid bidjan stáhta háldui dál gažaldaga mii ferte dahkkot jus heajos giđat fas bohtet.

– Lea diehttelas tragediija boazoeaiggádiidda dát ášši, muhto mis eai leat ná jođánis doaimmat maid sáhttit bidjat johtui, jus eambbo galget čuožžilit dákkár áššit, lohká son.

 

– Ii dahkat vearrábun go lea

Jåma maid lohká ahte ášši ii ábut dahkat vearrábun go lea, ja ferte muitit ahte lei guhkes ja garra giđđa.

Son jáhkká giđđa ain dovdo bohccuin dál, vaikke lea geassi leamaš gaskkas.

 

På forsiden nå