Ishavskraft kunddarbálvalusa jođiheaddji Sten-Willy Andreassen ja márkanráđđeaddi Thomas Heggstad leaba gergosat juohkit váibmolieggasa. Preassagovva: Ishavskraft.

Gergosat juohkit ruđaid buriid evttohusaide

Du iežat váimmolaš daguin sáhtát earáide addit ruhtaskeaŋkka ovdal juovllaid, jus sáddet evttohusa Ishavskraftii.

10:37 Skábmamánu 14. beaivi 2017
Ođastuvvon: 14.11.2017 - 11:14

Diibmá lihkostuvai Ishavskraft kampánjjain man gohčodit «Hjertevarme» (sámegillii: váibmoliekkas), ja dál álggahit ođđa vuoru kampánjjas iežaset neahttasiiddus.

 

Don nammadat geasa ruhta galgá

– Mii ávžžuhit ovttaskasolbmuid, joavkkuid, fitnodagaid, servviid liggestit muhtima váimmolaš daguin, čállá Ishavskraft gulahallanolmmoš Sten-Willy Andreassen, preassadieđáhusas.

Juovlamánu 10. beaivvi rádjái sáhtát ieš dahkat buori dagu vuos, ja de sáhtát nammadit muhtima geasa háliidivččet ahte Ishavskraft addá 10 000 ruvnno.

 

Váffelsteiken sáhttá addit ruđa earáide

Juovlamánus áigu Ishavskraft addit 10 000 ruvnno juohke evttohassii, mat oktiibuot gártet 15 evttohasa.

– Mii áigut lieggasa ja ilu juohkit Ishavskraft lagamus guovllus. Sáhtát steiket váffeliid boarrásiidsiiddas, bargat somás bargguid ovttas mánáiguin ja nuoraiguin, čoaggit ruskkaid lagasbirrasis, ráhkadit skeaŋkkaid maid attát buori doibmii. Ii leat nu alla gáibádus, ja lea dat buorre jurdda mii lea guovddážis, čállá Ishavskraft ja ávžžuha geavahit fantasiija ja addit buori dovddu earáide juovllaid ovddabealde.

– Muitte juohkit váimmolaš dagu Ishavskraftain, dieđiha Ishavskraft.

Fáddásánit
Ođđasat

På forsiden nå