Deanu nisu vuittii lávvardaga badjelaš 3,5 millijovnna ruvnnu. Govva: Norsk Tipping.

Joker-vuoiti Deanus

Deanunisu Mary Ann Johnsen rikkui badjel 3,5 millijovnnain lávvardaga.

10:17 Suoidnemánu 17. beaivi 2017

– Mun jáhkán don vikkat mu fillet dál?

Dat lei nu ahte Mary Ann Johnsen masá ii jáhkkán ahte son lei lávvardaga Joker-kandidáhtta, dieđiha Norsk Tipping.

Váibmočuohkan ja doarggistii
Deanu nisu lei sihkkarastán 703.000 ruvnnu, muhto dat stuorámus vuoitu lávvardateahkeda lei 3.517.000 ruvnnu.
Johnsenis ledje dát logut: 1-1-5-5-7.

 

Embla gesii loguid
Son divttii Embla dahkat daid logihkalaš válljejumiid. Orui guhká dainnalágiin ahte galggai hejot mannat, go Embla mettii njelljii dassážii go dat maŋimuš lohku lei vel báhcán. Doppe lei Joker ja lihkolaš Joker-kandidáhtta beasai illudit go lei vuoitán 3,5 millijovnna.

– Orui mannamin hui funet, muhto dán lávvardateahkeda gal boađán mun muitit, dadjá lihkolaš vuoiti Juovlavuonas Deanus.

 

Ávvudeapmi
Ođđa millijovnnavuoiti ostii vuoitovuorbbi Mix Tigern kioskkas Deanus. Son ferte dárkilit jurddašit masa son áigu geavahit ruđa, muhto sus lea stuorra bearaš ja doaivu fuobmát man láhkái sii sáhttet juogadit dan vuoittu.

Fáddásánit
Ođđasat

På forsiden nå