Dá lea čurvestagat maiguin oahppit vuite Sámedikki gilvvu. Preassagovva.

Guokte skuvlla vuite čurvestatgilvvu eastadit givssideami

Raavrhvijhke ja Kárášjoga skuvlla oahppit vuite gilvvu buoremus čurvestagain givssideami vuostá. Sámediggepresideanta Vibeke Larsen lea rámis go ohppiin leat nu buorit miellaguottut.

13:19 Njukčamánu 07. beaivi 2017

Sámediggi oaččui oktiibuot 12 evttohusa Guovdageainnu, Máze, Kárášjoga, Deanu, Álttá, Raavrhvijhke ja Hársttaid skuvllain čurvestatsátnegilvvus givssideami vuostá.

Buot oahppit, geain lea sámegieloahpahus skuvllas, bovdejuvvojedje searvat gilvui diimmá čavčča, čállá Sámediggi preassadieđáhusastis.

 

Buot evttohusat ledje hui buorit

Raavrhvijhke skuvlla čihččet luohká sámi oahppit, ja dasto oktasaš evttohus Kárášjoga skuvlla 9a ja 9á ohppiin válljejuvvojedje vuoitin čuoládatsátnegilvvus.

Jurya cealká ahte buot evttohusat ledje hui buorit, muhto ahte vuoitočuoládatsániin lei dat erohus ahte dat ledje searvvaheaddji, oanehaččat ja dárkilat ja ahte bokte buriid dovdduid juryas.

 

Vuoitočurvestagat leat čuovvovaččat:

1. Haaj, voelpe - Hei, kompis.

2. Edtjebe maam joem hæhtadidh? - Skal vi finne på noe?

3. Luste datnem vuejnedh - Hyggelig å se deg.

4. Jorgal gatnjaliid bohkosin - snu tårer til latter

5. Don leat áibbas buorre niego don leat – Du er perfekt som du er

6. Leage leat ieš, earát leat jo váldon – Vær deg selv , alle andre er tatt


Sámediggepresideanta Vibeke Larsen.
Preassagovva

Duddjot buriid oktavuođaid

Sámediggepresideanta Vibeke Larsen lea rámis sin dáfus geat serve gilvui, geain lei áigumuš buoridit loaktima skuvllas ja eastadit givssideami.

 Go bidjá fokusa ahte galgat leat burežat gaskaneamet, doaivut mii ahte mii leat buktimin buriid oktavuođaid báikkálaččat skuvllain ja ahte oahppit šaddet dihtomielalažžan fáttá birra. Evttohusat maid mii oaččuimet, čájehit ahte sámi ohppiid gaskkas leat buorit miellaguottut, dadjá sámediggepresideanta Vibeke Larsen.

Vuoitočurvestagat deaddiluvvojit máinnusplakáhttan mat addojuvvojit oasseváldi skuvllaide.

Dasa lassin juogadeaba vuoitoluohkkáguoktá 10 000 ruvnnusaš vuoittu.

 

Veahkehit skuvllaid eastadanbarggus

Sámediggi lea mielde nationála barggus «Searválaga givssideami eastadeamis» mii bistá jahkái 2020.

Sierra aktevrrat ja searvvit leat ovttas Oahpahusdirektoráhtain ja ráđđehusain stáhtaministara Erna Solberg ja máhttoministara Torbjørn Røe Isaksen bokte, vuolláičállán šiehtadusa mas geatnegahttojuvvojit bargat ovttas addin dihtii mánáide ja nuoraide buori oahppanbirrasa ja bajásšaddanbirrasa.

Čurvestatgilvu givssideami eastadeamis Sámedikkis lea oassi dán barggus.

– Mii háliidat dáinna gilvvuin veahkehit skuvllaid bargat givssideami ja loavkašuhttima vuostá skuvllain. Buot mánát ja nuorat ánssášit buori skuvlabirrasa, dadjá Larsen.

 

Jurylahtut

Jurys leat leamaš: Sámediggepresideanta Vibeke Larsen, bajásšaddan-, fuolahus- ja oahppolávdegotti nubbijođiheaddji Lars Oddmund Sandvik, Sámedikki nuoraidpolitihkalaš lávdegotti jođiheaddji Ánná Káisá Partapuoli ja Kárášjoga Sámi joatkkaskuvlla ohppiidráđi lahttu Aina Madelen Aslaksen Gaup.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Ođđasat

På forsiden nå

Norgga Boazosápmelaččaid Riikkasearvi (NBR) leat lokten SNO/NOS-ášši Dálkká­dat- ja Birasgáhttendepartementii.

Almmuhuvvon odne, dii. 13:07 Geassemánu 22. beaivi 2017

Fágalaččat galgá psykalaš dearvvašvuođafuolahusas ja gárrendili heahtefálaldat šaddat buoret bálvalussan Finnmárkkus. Dan mearridii Finnmárkkubuohcciviesu stivra gaskavahkku.

Almmuhuvvon odne, dii. 18:19 Geassemánu 22. beaivi 2017

Dálkkádat- ja birasministtar Vidar Helgesen evttoha rievdadit njuolggadusaid mat gusket goaskimiid báhčimii. Álgovuorus lea geahččalanortnega birra sáhka.

Almmuhuvvon odne, dii. 15:29 Geassemánu 22. beaivi 2017

59-jahkásaš dievdu dubmehalai čohkkát 21 jagi go gottii iežas eamida ja su bártnáža Girkonjárggas diibmá. Dievdu guoddalii duomu, dieđiha NRK.

Almmuhuvvon odne, dii. 15:05 Geassemánu 22. beaivi 2017

Davvinorgga Dáiddamusea, Anchorge Musea ja árktalaš dáiddárat čoahkkanan Hársttáide.

Almmuhuvvon odne, dii. 14:17 Geassemánu 22. beaivi 2017

Anne Máret Sara (19) oaččui dán jagáš ­buoremus árvosániid ja nammaduvvui dán jagáš buoremus ­oahppin Sámi joatkka­skuvlla ja boazo­doaloskuvlla loahpahandoaluin dán vahkku. 

Almmuhuvvon odne, dii. 12:50 Geassemánu 22. beaivi 2017

Mannan dálvvi leat vuodján 3 437 000 kilomehtera čorgen dihte muohttaga.

Almmuhuvvon odne, dii. 14:16 Geassemánu 22. beaivi 2017
DIVTTASVUONA-ÁŠŠIT:

Divttasvuona suohkan lea áššehuvvan áššis go okta nisu gii vásihii rohcošeami ja váiddii suohkana ja gáibidii máŋggaid milliuvnnaid, dieđiha VG.

Almmuhuvvon odne, dii. 14:06 Geassemánu 22. beaivi 2017
Sámediggeráđđi beahtahallan ráđđehussii:

Sámediggeráđđi lea beahttašuvvan go lávdegottis, mii galgá ovdánahttit kulturturismma, eai leat ovtta ge sámi fitnodaga bovden mielde lávdegoddái.

Almmuhuvvon odne, dii. 12:26 Geassemánu 22. beaivi 2017

Čáhcesullos lágiduvvo Sun Station festivála dán vahkkoloahpa, gos sihke sámi ja máilmmi bealkkálmasat čuojahit.

Almmuhuvvon odne, dii. 12:36 Geassemánu 22. beaivi 2017

Ellos Deatnu! -joavku lea julggaštan moratoria Deanu Čearretsullui, bajábealde Sámi Šaldi, lahka Ohcejoga. Moratoria mearkkaša dán oktavuođas dan, ahte ođđa bivdonjuolggadusat bissehuvvojit dan guovllus, mii lea Čearretsullo birastahtti čáhceviidodagain.

Almmuhuvvon odne, dii. 10:33 Geassemánu 22. beaivi 2017

Oktiibuot 42 200 olbmo Finnmárkkus ožžot 489,6 millijuvnna ruvnno ruovttoluotta, mii dahka gaskamearalaččat sullii 11 600 ruvnno.

Almmuhuvvon odne, dii. 10:30 Geassemánu 22. beaivi 2017

Jus Hámmárfeastta crossavuoddjit ožžot nu go háliidit, de gáržžiduvvo guohtoneana ja čendisbohccot ráfehuvvet.

Almmuhuvvon odne, dii. 07:15 Geassemánu 22. beaivi 2017

Juohke jagi lea Goaskinváris girji masa vázziolbmot sáhttet čállit iežaset namaid go fitnet doppe. Go John Mikkel Gaup guovlalii kássa sisa, lei doppe juoga eará go dat girji mii láve.

Almmuhuvvon ikte, dii. 17:54 Geassemánu 21. beaivi 2017