Čájáhusgovva jogas. Govven: Sara Johannessen / SCANPIX

Ceggejit buođu mas lea 617 mehtera alla gorži

NVE addá Bekk og Strøm AS:i lobi cegget Innerelva elfápmorusttega Omasvuona ja Gáivuona suohkanis Romssas.

13:25 Njukčamánu 09. beaivi 2017

Huksemis lea váikkuhus boazodollui mii lea Bassivuovddis, muhto NVE oaivvilda ahte váidudeaddji doaimmat sáhttet unnidit váikkuhusaid nu ahte šaddet dohkálaččat orohahkii.

 

617 mehtera allat

Bekk og Strøm AS lea ožžon lobi hukset Innerelva elfápmorusttega, mii lea Omasvuona ja Gáivuona suohkana rádjejohka. Elfápmorusttet galgá 617 mehtera allat, ja rehkenastet dan buvttadit 10,2 GWh. Dat lea seamma ollu go 510 ásodaga elfápmogeavaheapmi.

 

Váikkuhussan

Huksemat sáhttet váikkuhussan leat orohaga johtimii, ja hearkkes gazzalotti monnenbáikki goaridit. Eaktu huksemii lea ahte barggut dáhpáhuvvet dakkár áiggi mii ii leat goarádussan boazodollui, ja dakkár áiggis mii ii balddit gazzalottiid mat leat monneme lahkosis.

NVE oaivvilda ahte huksemat leat dohkálaččat almmolaš beroštumiid ektui, ja dan vuođul addo lohpi huksemiidda.

 

Omasvuonas ledje njeallje smávva elfápmorusttetohcamuša mat ledje gulaskuddamis. Ohccit dain golmma eará ohcamiin gesse ohcamušaid ruovttoluotta. (©NTB)

Fáddásánit
Ođđasat

På forsiden nå