Fughetta fas lea čáppa muhto brutála installa­šuvdna, mas vihtta leikejuvvon bohccogoruda ráhkadit musihka ja čuovgga. Govven: Polly Yassin

Bohccogorudat ráhkadit musihka ja čuovgga

Geir Tore Holma este­tihkka, mii lea seammá poehtalaš go aktivistta­lašge, deaivvada čájáhusas Lakta/Grensesnitt, Sámi Dáidda­guovddážis.

08:50 Njukčamánu 09. beaivi 2017
Ođastuvvon: 09.03.2017 - 14:39

Geir Tore HOlm:

Geir Tore Holm lea bajásšaddan Olmmáivákkis, Gáivuonas. 

Son orru ja bargá Ringstada dálustis Skiptvetas, Østfoldas. 

Oktagaslaš video-, foto-, bázze-, performánsa- ja installašuvdnabargguid lassin son lea gaskkustan, čállán ja oahpahan dálá áiggi dáidaga birra dan rájes go gearggai Troandima dáiddaakademiijas 1995.

Son ásahii Balkonga Troandimis 1993, ja geavaha ásodaga čájáhusbáikin. 

Dáiddapraksisa gaskavuođaid guorahallamat ja dáidda praktihkalaš gulahallamin leat leamaš váldun su doaimmain.

Ruovttuvuđot vásáhusat leat láidestan ollu iešguđetlágan doaimmaide.

2003:s son bargagođii guimmiinis Søssa Jørgenseniin Sørfinnset skuvllain/ the nord landain Gildeskålas, Nordlánddas. 

Prošeakta lea ain jođus ja guovddážis lea luonddudoallu, ekologiija, máhttolonohallan ja huksendoaibma.

Geir Tore Holm lei Tromssa dáiddaakademiija prošeaktajođiheaddji 2007:s. 

Son lea dál Oslo dáiddaallaskuvlla stipendiáhta dáiddalaš ovdánahttinbarggus, prošeavttainis Poetikk for estetikk i endring (Rievdi estetihka poetihkka). 

Sus lea Stáhta dáiddáriid dáhkiduvvon boahtu ja son oaččui John Savio-bálkkašumi 2015.

Holm lea okta Sámi ja Skandinávia mávssoleamos dáiddáriin ja čájáhusas oainnát valjis su bargguid.

Go Geir Tore Holm muitala eallima ja luonddu birrajođu birra, mo olbmot orrot planehtasteaset, das mii áitojuvvo ja das mii addá eallima, de muitalusas leat seammá ollu vuorddekeahtes reflek­šuvnnat go konkrehta akšuvnnat.

 

Stuorámus sierračájáhus
Geir Tore Holm deavdá SDG lanjaid valljivuođain sihke hivvodaga ja sisdoalu dáfus.


Geir Tore Holm.
Govven: Søssa Jørgensen

Maŋimuš jagiid máŋggabealat bargguin, mat leat stuorrát ja meditatiivvat, son jearrá mo lea olbmo gaskavuohta luondduin, mo lea olbmo ja luonddu eallima birrajohtu.

– Dárkilis dárkumat ja detáljjaid ovdanbuktin ovttastahttojit reflek­terejeaddji kommentáraide. Reflekšuvdna ja jurddašallan ovttas­tahttojuvvo konkrehta doaibmamii, dávjá giehtalagaid geavatlaš máhtuin ovdamearkka dihte luonddudoalu, birgejumi ja giehtadáiddu birra. Geir Tore Holm bargá viidát iešguđetlágan mediaiguin ja ovdanbuktinvugiiguin, dieđiha Sámi Dáidda­guovddáš preassadieđáhusas.

Lakta-čájáhusas beasat vásihit fotogovaid, video, videoinstalla­šuvnna, bácciid ja objeavttaid. Dat lea Geir Tore Holma dássážii stuorámus sierračájáhus.

 

Bohccogorudat ráhkadit musihka ja čuovgga

Čájáhusas stuorra saji váldá erenoamáš Lakta-videoinstallašuvdna, man mielde olles čájáhus lea ožžon nama, ja mas jiekŋa deaivvada geđggiin projekšuvnnas, mii deavdá olles seainni.

Fughetta fas lea čáppa muhto brutála installa­šuvdna, mas vihtta leikejuvvon bohccogoruda ráhkadit musihka ja čuovgga.

Čájáhusas leat lagabui 40 dáidda­barggu, nu ahte buot lea láhččojuvvon erenoamáš čájáhus­vásá­hussii.


Jiekŋa deaivvada geđggiin Lakta čájáhusas.
Govven: Geir Tore Holm.

Čájáhusrahpan
Čájáhus rahppojuvvo njukčamánu 9. beaivvi 2017:s dii. 18, ja dáiddár Geir Tore Holm lea mielde rahpamis.

Geir Tore Holma čájáhusa ovdanbuktima lassin juoigaba Biret Risten Sara ja Ravna Antti Guttorm ja fállat geahppa guossoheami.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Kultuvra

På forsiden nå

NBR jođiheaddji evttoha ahte boazodoalli galgá sáhttit duššo riŋgestit Fylkkamánnái jus olu goaskimat leat ealu alde, ja lohkat ahte ferte báhčit. – Otná njuolggádusaid mielde ii leat dat nu álki, lohká Finnmárkku fylkkamánni Biras- ja dálkkádatossodaga sekšuvdnajođiheaddji

Almmuhuvvon ikte, dii. 15:29 Miessemánu 26. beaivi 2017

Boazoeaiggáda Aslak Mathis Turi mielas ii doaimma dálá boraspirehálddašeapmi, ja sus ii leat makkárge vuohki várjalit iežas bohccuid meahcceelliid vuostá. Son jáhkká buoremus livččii jus boazoeaiggádat beasaše hálddašit boraspiriid.

Almmuhuvvon ikte, dii. 10:00 Miessemánu 26. beaivi 2017

Riddu Riđđu festiválas ii leat dušše musihkka guovddážis. Sii loktejit máŋggabealatvuođa álgoálbmotmáilmmis, ja digaštallet hástalusaid mat leat Sámis ja eará álgoálbmogiin.

Almmuhuvvon ikte, dii. 11:22 Miessemánu 26. beaivi 2017

Boahtte vahkus deaivvada Sámediggi giellaguovddážiiguin bargobádjái digaštallat mo galget seailluhit sámegiella ja hutkát mo nagodit olahit mihttu oažžut 30 000 sámegielhálli.

Almmuhuvvon ikte, dii. 10:56 Miessemánu 26. beaivi 2017

Norgga Sámiid Riikkasearvi lea mearridan ovddidit duohtavuođa- ja seanadankommišuvnna hoahppoáššin Sámedikki dievasčoahkkimii boahtte vahkus.

Almmuhuvvon ikte, dii. 10:28 Miessemánu 26. beaivi 2017

Goas jiekŋa manná, lea giđa stuorámus dáhpáhus Deanuleagis, dat mearkkaša ahte luossabidvu láhkona. Olbmot leat vuorddašeame goas de sáhttet čoahkkanit Vuolle-Geavgŋái geahččat makkár fámut leat jođus go jiekŋa mánná.

12:04 Miessemánu 25. beaivi 2017

Eaktodáhtolaš organisašuvnnaid ovttasbargosearvi Frivillighet Norge lea máŋga jagi bagadallan suohkaniid movt eaktodáhtolašpolitihka galgá hábmet.

12:34 Miessemánu 25. beaivi 2017

Maŋemuš 20 jagi leat politiijain leamaš náhkkejáhkat. Dál molsojuvvojot, ja politiijat ožžot eanet doaibmi ja heivehuvvon jáhkaid.

11:00 Miessemánu 25. beaivi 2017

Ealáhusdoallit galget sádden vearrodieđáhusa ovdal miessemánu 31. beaivvi. Jus dan áigemearrái ii olle, de sáhttá oažžut bággosáhku.

11:32 Miessemánu 25. beaivi 2017

Muhtun Finnmárkku dievdu lea áššáskuhtton go galgá mánáidis bággen leahkit olgun buollašis unnán biktasiiguin. Son galgá maid nihttán čuohppat eret suorpmaid ovtta mánás.

10:43 Miessemánu 25. beaivi 2017

Guovdageainnu suohkan leat mearridan dál goas dán jagáš lodden šaddá.

15:50 Miessemánu 24. beaivi 2017

Finnmárkku boanddat ledje maid searvan miellačájeheapmai Oslos maŋŋebárgga. Sii vuosttaldit ráđđehusa árvalusa ahte geahpedit boanddaid dietnasa.

15:16 Miessemánu 24. beaivi 2017

Geaidnopolitiijat leat dárkkistan leahtu biillain Girkonjárgga guovddážis.

15:21 Miessemánu 24. beaivi 2017

36-jahkásaš dorvoohcci, Rwandas eret, lea Davvi-Romssa diggegottis dubmehallan 13 jagi giddagassii go lea niibbiin goddán iežas ovddeš moarsi diimmá geasi.

12:05 Miessemánu 24. beaivi 2017