NJUNNOŠIS: Ann Solveig Nystad njunnošis RáB listtus. Vuorkágovva: Astrid Helander

Ann Solveig Nystad RáB njunnošis

Nuorttanaste váldodoaimmaheaddji Ann Solveig Nystad lea válljejuvvon vuosttažin Finnmárkku Risttalaš álbmotbellodaga listtus stuoradikkeválggaide.

11:47 Njukčamánu 04. beaivi 2017
Ođastuvvon: 13.06.2017 - 13:39

Dát dáhpáhuvai bellodaga nominašuvdnačoahkkimis Álttás lávvardaga.

 

Nuorttanaste váldodoaimmaheaddji 

Nystad lea 55 jahkásaš, ja lea Nuorttanaste risttalaš sámi bláđi váldodoaimmaheaddji.

 

18-jahkásaš nubbinsajis

Áltálaš Trygve Bakkehaug ges válljejuvvui nubbin sadjái, son lea joatkkaskuvllaoahppi ja deavdá 18 jagi miessemánus.

Son lea Finnmárkku Risttalaš álbmotbellodaga nuoraid (RáBN) jođiheaddji, dán vahkkoloahpa lea son RáBN riikkastivrračoahkkimis, gos lea várrelahttun.

– Bakkehaug lei dieđihan ahte ii soaitte sáhttit searvat válgagižžui skuvlla geažil, muhto nominašuvdnačoahkkin liikká háliidii su nubbinsadjái, čállá bellodat preassadieđáhusastis.

Goalmmát sadjái válljejuvvui ges spesiála-fysioterapevta Turid Lien (48) Hammerfeasttas eret.

– Son lea aktiiva gávpoga báikkálašpolitihkas ja čohkká ovdagottis, čállá bellodat.

 

Buohkat geat leat listtus válljejuvvojedje ovttajienalaččat, muđuid lea listu dákkár oaidnit:

4. Gro Harila, Čáhcesuolu, r.1969

5. Jan Arvid Johansen, Fálesnuorri, r.1971

6. Vera Simonsen, Áltá, r.1979

7. Kristian Turi, Guovdageaidnu, r.1956

8. Kristin Skare, Porsáŋgu, r.1976

9. Hans Andreas Kristiansen, Čáhcesuolu, r.1967

10. Berit Frøydis Svineng, Kárášjohka, r.1956

11. Astrid Daniloff, Mátta-Várjjat, r.1946

På forsiden nå

Muhto sátnejođiheaddji lohká lea bággu árvvoš­tallat heaittihit skuvlla jus ráđđehus joatká seamma politih­kain vel ovtta jagi.

Ráđđehusa lassebušeahtas evttohit 200 000 euro soabadankommišuvnna álggaheapmái.

Okta olmmoš lea váidon Čáhcesullos go lea vuodján lobiheamet biillain oktan gálvojorriin.

Kárášjogas lágiduvvojit dán skápma gielladikšundeaivvadeamit, ja vuosttaš deaivvadeamis lea sáhka dovdduin ja sániin mat gullet daidda.

Kárášjoga ráđđealmmái lea fuolas ja evttoha earret eará heaittihit virggiid gokčan dihtii gieldda stuorra eanetgeavaheami.

Bane Nor ii diehtán sii leat rihkkon lága go togastašuvnnain eai leat sámegillii šilttat. Dál lohpidit njulget dán.

Kåven ballá ahte NSR ja Bb eai mieđaše dássádahttinmandáhttaortnegii:

Davvikalohttaálbmoga (NORD) njunuš ballá ahte NSR ja Bb eai manaše mielde rievdadit válgaortnega nu ahte dássádahttinmandáhtat livčče sámediggeválggas, go de šattašii sidjiide heajut dilli go dál lea. – Fápmu sirdašuvašii, ja dasa eai gal mieđit sii, lohká son

Lea vuosttaš geardde go dáidaga ja doaimmaid guorahallet ná máŋggabealagit, čállá Giellagas Instituhta dutkidoavttir preassadieđáhusas.  Doaimmaheaddjit Taarna Valtonen ja Leena Valkeapää, sávvaba, ahte ođđa girji rahpá geainnuid ja inspirere ođđa dutkamušaide.

Fieddara, Lákkonjárgga, Skárfvákki ja Bassevuovddi boazodoallit leat guokte vahkku leamaš dikkis gos dáistalit Statnett vuostá. Boazosámit ballet ahte jiehtanaslinjá duvdila sin eret ealáhusas. Dál lea duopmáriid duohken mearridit lea go konsešuvdna lágalaš.

Risttalaš sálm­mat mat muittuhit luođi, galget seailluhuvvot ja čállot girjái.

Dál leat fas ráhkkanišgoahtime boahtte jagáš UKM:i. Kárášjoga UKM gulahallanolmmoš, John Arvid Johnskareng, sávvá ahte dán jagi lea stuorát beroštupmi musihkkii go maŋemus áiggiid lea leamaš.

Diibmá buohccájedje masá 33 000 norgalačča borasdávddain. Maŋimuš viđa jagis leat borasdávdabuohccit lassánan.

TV-akšuvdna čokkii olles 217,7 miljovnna ruvnno UNICEF bargui veahkehit oahpu addit mánáide geat leat vásihan soađi ja soahpameahttunvuođa. Norgga fylkkain attii Finnmárkku njealjádin eanemus ruđa ássiidlogu vuođul, bajimusas Finnmárkkus lei Ákŋoluovtta gieldda, ja vuolimuš lei Guovdageaidnu gielda.

 Vibeke Larsen ja ráđđelahttu Mariann Wollmann Magga leaba guktot ohcan Sámedikkis oažžut maŋŋábálkká máksot.