Norgga árktalaš universitehta rektor Anne Husebekk doalai sártni sámi álbmotbeaidoaluin árktalaš universitehtas Romssas. Govven: Stig Brøndbo

Ávžžuha sámi nuoraid veahkkin gádjut sámegiela

Rektor Anne Husebekk oaivvilda ahte eambbo sámi nuorat berrejit váldit alit oahpu vai sihkkarastet ahte boahtteáiggi skuvlamánát besset oahpu váldit sámegillii.

15:01 Guovvamánu 10. beaivi 2017

Go Elsa Laula Renberg čohkkii sámiid vuosttaš sámi riikačoahkkimii 1917:s, lei dehálaš ášši riikačoahkkimis ahte sámi mánát galget beassat sámegillii oažžut oahpu. Dan čállá Norgga árktalaš universitehta neahttasiiddus.

– 100 jagi maŋŋel ii leat rahčamuš loahpahuvvon. Dál leat beare unnán sámi nuorat geat váldet alit oahpu, ii ge leat álki oaidnit movt galgá oahpahit sámi giela ja kultuvrra birra jus eai leat oahpaheaddjit geain lea sámegiella ja kulturipmárdus, muitala Norgga árktalaš universitehta rektor Anne Husebekk.

 

Ovddos guvlui geahččat

Sámi álbmotbeaivvi sártnistis UiT:s Romssas muitalii Husebekk dan máŋga sámi ášši birra maiguin leat šaddan rahčat maŋemuš 100 jagi, muhto son háliida baicce ovddos guvlui geahččat.

– UiT:s lea erenoamáš bargu sámi giela, historjjá ja kultuvrra birra, ja mii leat rápmásat dainna. Mis lea dáhttu eanet deattu bidjat sámegillii, sihke okto ja ovttas Sámi allaskuvllain, muhto mii eat nagot dan čađahit studeanttaid haga. Mii dárbbašit eanet studeanttaid, ollu eanet studeanttaid, vai sihkkarastit ahte mánát besset buori oahpahusa oažžut sámegillii boahtteáiggis, dajai UiT-rektor.

På forsiden nå

Kåven ballá ahte NSR ja Bb eai mieđaše dássádahttinmandáhttaortnegii:

Davvikalohttaálbmoga (NORD) njunuš ballá ahte NSR ja Bb eai manaše mielde rievdadit válgaortnega nu ahte dássádahttinmandáhtat livčče sámediggeválggas, go de šattašii sidjiide heajut dilli go dál lea. – Fápmu sirdašuvašii, ja dasa eai gal mieđit sii, lohká son

Almmuhuvvon ikte, dii. 14:56 Golggotmánu 23. beaivi 2017

Lea vuosttaš geardde go dáidaga ja doaimmaid guorahallet ná máŋggabealagit, čállá Giellagas Instituhta dutkidoavttir preassadieđáhusas.  Doaimmaheaddjit Taarna Valtonen ja Leena Valkeapää, sávvaba, ahte ođđa girji rahpá geainnuid ja inspirere ođđa dutkamušaide.

Almmuhuvvon ikte, dii. 15:03 Golggotmánu 23. beaivi 2017

Fieddara, Lákkonjárgga, Skárfvákki ja Bassevuovddi boazodoallit leat guokte vahkku leamaš dikkis gos dáistalit Statnett vuostá. Boazosámit ballet ahte jiehtanaslinjá duvdila sin eret ealáhusas. Dál lea duopmáriid duohken mearridit lea go konsešuvdna lágalaš.

Almmuhuvvon ikte, dii. 14:37 Golggotmánu 23. beaivi 2017

Risttalaš sálm­mat mat muittuhit luođi, galget seailluhuvvot ja čállot girjái.

Almmuhuvvon ikte, dii. 14:44 Golggotmánu 23. beaivi 2017

Dál leat fas ráhkkanišgoahtime boahtte jagáš UKM:i. Kárášjoga UKM gulahallanolmmoš, John Arvid Johnskareng, sávvá ahte dán jagi lea stuorát beroštupmi musihkkii go maŋemus áiggiid lea leamaš.

Almmuhuvvon ikte, dii. 13:23 Golggotmánu 23. beaivi 2017

Diibmá buohccájedje masá 33 000 norgalačča borasdávddain. Maŋimuš viđa jagis leat borasdávdabuohccit lassánan.

Almmuhuvvon ikte, dii. 13:26 Golggotmánu 23. beaivi 2017

TV-akšuvdna čokkii olles 217,7 miljovnna ruvnno UNICEF bargui veahkehit oahpu addit mánáide geat leat vásihan soađi ja soahpameahttunvuođa. Norgga fylkkain attii Finnmárkku njealjádin eanemus ruđa ássiidlogu vuođul, bajimusas Finnmárkkus lei Ákŋoluovtta gieldda, ja vuolimuš lei Guovdageaidnu gielda.

Almmuhuvvon ikte, dii. 10:53 Golggotmánu 23. beaivi 2017

 Vibeke Larsen ja ráđđelahttu Mariann Wollmann Magga leaba guktot ohcan Sámedikkis oažžut maŋŋábálkká máksot.

Almmuhuvvon ikte, dii. 10:44 Golggotmánu 23. beaivi 2017

Álttá dievddut masse vejolašvuođa čiekčat 1. divišuvnnas boahtte jagi.

Almmuhuvvon ikte, dii. 10:43 Golggotmánu 23. beaivi 2017

Mannan ija leat Girkonjárgga politiijat dárkkistan narkotihkkageavaheami.

Almmuhuvvon ikte, dii. 09:16 Golggotmánu 23. beaivi 2017
Sámediggeválggas vuoittahalle gaskageardán bellodagat

Árjjas livčče beassan sisa Sámediggái golbma áirasa jus sámediggeválggas livčče dássádahttináirasat. Dál gáibida Árjja áidna sámediggeáirras válgaortnega rievdadit.

12:01 Golggotmánu 22. beaivi 2017

Politiijat vuoddjájit báikái.

11:32 Golggotmánu 22. beaivi 2017

Eanet ja eanet biktasiin leat dál šleđggonat, muhto NAF oaivvilda dat lea njuolgut várálaš. Sii leat iskan biktasiid, ja gávnnahan ahte eai doala dási.

11:56 Golggotmánu 22. beaivi 2017

FeFo árvvoštallá ásahit fas 5-kilomehter rájá olgoriikalaččaide. Áŋgiris guollebivdi, deatnulaš Ellen Kristina Saba, illuda go báikeolbmot besset fas okto bivdit iežaset guollejávrriin.

10:52 Golggotmánu 22. beaivi 2017