Norgga árktalaš universitehta rektor Anne Husebekk doalai sártni sámi álbmotbeaidoaluin árktalaš universitehtas Romssas. Govven: Stig Brøndbo

Ávžžuha sámi nuoraid veahkkin gádjut sámegiela

Rektor Anne Husebekk oaivvilda ahte eambbo sámi nuorat berrejit váldit alit oahpu vai sihkkarastet ahte boahtteáiggi skuvlamánát besset oahpu váldit sámegillii.

15:01 Guovvamánu 10. beaivi 2017

Go Elsa Laula Renberg čohkkii sámiid vuosttaš sámi riikačoahkkimii 1917:s, lei dehálaš ášši riikačoahkkimis ahte sámi mánát galget beassat sámegillii oažžut oahpu. Dan čállá Norgga árktalaš universitehta neahttasiiddus.

– 100 jagi maŋŋel ii leat rahčamuš loahpahuvvon. Dál leat beare unnán sámi nuorat geat váldet alit oahpu, ii ge leat álki oaidnit movt galgá oahpahit sámi giela ja kultuvrra birra jus eai leat oahpaheaddjit geain lea sámegiella ja kulturipmárdus, muitala Norgga árktalaš universitehta rektor Anne Husebekk.

 

Ovddos guvlui geahččat

Sámi álbmotbeaivvi sártnistis UiT:s Romssas muitalii Husebekk dan máŋga sámi ášši birra maiguin leat šaddan rahčat maŋemuš 100 jagi, muhto son háliida baicce ovddos guvlui geahččat.

– UiT:s lea erenoamáš bargu sámi giela, historjjá ja kultuvrra birra, ja mii leat rápmásat dainna. Mis lea dáhttu eanet deattu bidjat sámegillii, sihke okto ja ovttas Sámi allaskuvllain, muhto mii eat nagot dan čađahit studeanttaid haga. Mii dárbbašit eanet studeanttaid, ollu eanet studeanttaid, vai sihkkarastit ahte mánát besset buori oahpahusa oažžut sámegillii boahtteáiggis, dajai UiT-rektor.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Johan Mikkel Bongo lea dál Manchesteris gos terrordáhpáhus lei ikte. Son ja su olbmát áigot dál doalahallat veahá olggobealde gávpotguovddáža, várrogasvuođain.

Almmuhuvvon ikte, dii. 15:27 Miessemánu 23. beaivi 2017

Sosialisttalaš Gurutbellodaga Kirsti Bergstø doarju Sámi oahpahusfierpmádaga apealla odne, mainna čalmmustahttet sámegieloahpahusa dili. – NetSam bargá dehálaš áššiin, lohká stuoradiggepolitihkkár.

Almmuhuvvon ikte, dii. 15:23 Miessemánu 23. beaivi 2017

Stuoradiggi mearridii mánnodaga čađahit máŋga doaimma mat buoridit árgabeaivvi skuvllas ja bisseha givssidemiid. Okta doaimmain lea ásahit givssidanáittardeaddji buot Norgga fylkkaide.

Almmuhuvvon ikte, dii. 15:14 Miessemánu 23. beaivi 2017

Vihtta sámi dáiddára servet riikkaidgaskasaš dáiddačájáhussii «Documenta 14» Kasselis Duiskkas. – Čájáhus addá áidnalunddot vejolašvuođa gaskkustit sámi dáidaga riikkaidgaskasaččat, dadjá sámediggepresideanta Vibeke Larsen, gii searvá čájáhussii geassemánus.

Almmuhuvvon ikte, dii. 13:35 Miessemánu 23. beaivi 2017

Sihke Guovdageainnu ja Nordys dievdojoavkkus lea čiekčan lávvordaga.

Almmuhuvvon ikte, dii. 14:43 Miessemánu 23. beaivi 2017
TERROR MANCHESTERIS:

Manchestera politiijain lea stuora dutkan jođus maŋŋil go iešsorbmenbomba bávkkehii konseartaviesus. Unnimusat 22 olbmo jápme dáhpáhusas.

Almmuhuvvon ikte, dii. 14:05 Miessemánu 23. beaivi 2017
Sanner čuovvola Larsena ávžžuhusa:

Divttasvuonas lea heahtedilli, oaivvilda gieldaministtar, ja bovde čoahkkimii gos ságastallet movt Divttasvuona áššiid galgá čoavdit ja čuovvolit.

Almmuhuvvon ikte, dii. 11:30 Miessemánu 23. beaivi 2017

Duiskka mátkejoavku lea dohkkehan ja máksán sáhku man ožžo ikte eahkes go válddahalle fievrrideames beare ollu dorskefileaid rastá rájá.

 

Almmuhuvvon ikte, dii. 13:23 Miessemánu 23. beaivi 2017

Šuoššjávrri lulábealde lea guovža ikte speadjan áldoealus. Fiettar orohaga boazoeaiggát muitala ahte sis lea doppe áldoeallu, gos guovža lea ogohallan áldduid ja borran misiid.

15:56 Miessemánu 22. beaivi 2017

Sámi oahpahusfierpmádat háliida fuomášuhttit sámegieloahpahusa dili Stuoradikki olggobealde.

15:34 Miessemánu 22. beaivi 2017

Doarjjakonsearttas su nammii, oaččui Jovsset Ánte Sara guokte luođi. Dás beasat guldalit daid.

15:09 Miessemánu 22. beaivi 2017

– Midjiide bohtet ain jearaldagat geassedeahkaid birra, muitalit Finnmárkku politiijat.

15:35 Miessemánu 22. beaivi 2017

Sámi girkoráđđi juolluda 90 000 kruvnna oktiibuot searvegottiide, ealáskahttit sámi árbevirolaš sámi sálbmalávlunvuogi.

15:28 Miessemánu 22. beaivi 2017

Gáregasnjárgga duollostašuvnnas bissehedje duollárat Suoma ássi geas lei 56,65 kilo dorskefiléa badjelmeare fárus ráji rasttildeamis.

14:01 Miessemánu 22. beaivi 2017