ÁRVALUVVO BAJIMUSSII: Nominašuvdnalávdegoddi lea árvalan Kåre Olli bajimussii Bargiidbellodaga listtus Ávjováris, muhto nominašuvdna lea maŋiduvvon vuos. Vuorkágovva: Astrid Helander

Bargiid­bellodat maŋidan nominerema Ávjováris

Bargiidbellodat lea dál ráhkkanišgoahtán sámedikkeválggaide, muhto Ávjováris leat maŋidan nominerema.

12:33 Golggotmánu 02. beaivi 2016
Ođastuvvon: 12.06.2017 - 14:53

Ávjovári Bargiidbellodaga álgoárvalus 2017 válggaide:

1. Kåre Olli, Porsáŋgu

2. Marit Kirsten Anti Gaup, Kárášjohka

3. Isak Mathis Buljo, Guovdageaidnu

4. Stine Marie Høgden, Kárášjohka

5. Øyvind Lindback, Porsáŋgu

6. Ellen H. Buljo, Guovdageaidnu

7. Klemet Amund Eira, Kárášjohka

8. Sara Ellen Anne Eira, Guovdageaidnu

9. Gunnhild Engstad, Porsáŋgu

10. Mikkel Ailo Gaup, Guovdageaidnu

11. Eldbjørg Mathisen, Kárášjohka

12. Jon Arne Pettersen, Porsáŋgu

13. Nils Johan A. Gaup, Guovdageaidnu

14. Marie Therese Nordsletta Aslaksen, Kárášjohka

15. Erling Moe, Porsáŋgu

16. Anne Britt Eira Sara, Guovdageaidnu

17. Hjalmar Strømeng, Kárášjohka

18. Lill Tove Ottesen, Porsáŋgu

Bargiidbellodat gal lea jo ráhkkanišgoahtán sámedikkeválggaide, go sihke Viesttarmeara, Gáisi, Nuorta ja Lulli-Norgga válgabiires leat

čađahan jo nomineremiid.

Ávjováris gal dattege leat maŋidan dán barggu.

Forumstivrras lea ovddasvástádus čađahit nominašuvdnaproseassa bellodaga njuolggadusaid ektui.

 

Maŋŋonan

Nominašuvdnalávdegoddi galgá álggos ovddidit árvalusa maid sádde bellodatláhtuide gulaskuddamii ovdal go loahpalaš evttohus ovddiduvvo nominašuvdnačoahkkimii.

– Go nominašuvdnaproseassa lea maŋŋonan, maŋidat nominašuvnnačoahkkima sotnabeaivái golggotmánu 16. beaivái, vuoi bellodatláhtut ožžot vejolašvuođa ovddidit rievdadusevttohusaid. Nominašuvdnačoahkkin dollo Guovdageainnus, čállá Bargiidbellodaga forumstivra Ávjovári válgabiires preassadieđáhusastis.

 

Nominašuvdnalávdegotti álgoárvalus leat sádden bellodaga miellahtuide. Rievdadus árvalusaid galget sáddet nominašuvdnalávdegoddái ovdal dán golggotmánu 9. beaivái.

Dasto ovddida lávdegoddi loahpalaš evttohusa nominašuvdnačoahkkimii.

 

Bargiidbellodaga sámepolitihkalaš konferánssas skábmamánu 19. ja 20 beivviid mearridit geat šaddaba bellodaga sámediggepresideanta- ja várrepresideantaevttohassan.

 

 

Fáddásánit
Ođđasat

På forsiden nå

Muhto sátnejođiheaddji lohká lea bággu árvvoš­tallat heaittihit skuvlla jus ráđđehus joatká seamma politih­kain vel ovtta jagi.

Ráđđehusa lassebušeahtas evttohit 200 000 euro soabadankommišuvnna álggaheapmái.

Okta olmmoš lea váidon Čáhcesullos go lea vuodján lobiheamet biillain oktan gálvojorriin.

Kárášjogas lágiduvvojit dán skápma gielladikšundeaivvadeamit, ja vuosttaš deaivvadeamis lea sáhka dovdduin ja sániin mat gullet daidda.

Kárášjoga ráđđealmmái lea fuolas ja evttoha earret eará heaittihit virggiid gokčan dihtii gieldda stuorra eanetgeavaheami.

Bane Nor ii diehtán sii leat rihkkon lága go togastašuvnnain eai leat sámegillii šilttat. Dál lohpidit njulget dán.

Kåven ballá ahte NSR ja Bb eai mieđaše dássádahttinmandáhttaortnegii:

Davvikalohttaálbmoga (NORD) njunuš ballá ahte NSR ja Bb eai manaše mielde rievdadit válgaortnega nu ahte dássádahttinmandáhtat livčče sámediggeválggas, go de šattašii sidjiide heajut dilli go dál lea. – Fápmu sirdašuvašii, ja dasa eai gal mieđit sii, lohká son

Lea vuosttaš geardde go dáidaga ja doaimmaid guorahallet ná máŋggabealagit, čállá Giellagas Instituhta dutkidoavttir preassadieđáhusas.  Doaimmaheaddjit Taarna Valtonen ja Leena Valkeapää, sávvaba, ahte ođđa girji rahpá geainnuid ja inspirere ođđa dutkamušaide.

Fieddara, Lákkonjárgga, Skárfvákki ja Bassevuovddi boazodoallit leat guokte vahkku leamaš dikkis gos dáistalit Statnett vuostá. Boazosámit ballet ahte jiehtanaslinjá duvdila sin eret ealáhusas. Dál lea duopmáriid duohken mearridit lea go konsešuvdna lágalaš.

Risttalaš sálm­mat mat muittuhit luođi, galget seailluhuvvot ja čállot girjái.

Dál leat fas ráhkkanišgoahtime boahtte jagáš UKM:i. Kárášjoga UKM gulahallanolmmoš, John Arvid Johnskareng, sávvá ahte dán jagi lea stuorát beroštupmi musihkkii go maŋemus áiggiid lea leamaš.

Diibmá buohccájedje masá 33 000 norgalačča borasdávddain. Maŋimuš viđa jagis leat borasdávdabuohccit lassánan.

TV-akšuvdna čokkii olles 217,7 miljovnna ruvnno UNICEF bargui veahkehit oahpu addit mánáide geat leat vásihan soađi ja soahpameahttunvuođa. Norgga fylkkain attii Finnmárkku njealjádin eanemus ruđa ássiidlogu vuođul, bajimusas Finnmárkkus lei Ákŋoluovtta gieldda, ja vuolimuš lei Guovdageaidnu gielda.

 Vibeke Larsen ja ráđđelahttu Mariann Wollmann Magga leaba guktot ohcan Sámedikkis oažžut maŋŋábálkká máksot.