– Sámi filbma aktivitehta ii leat várra goassege leamaš ná stuoris ja filmmat ráhkaduvvojit buot šáŋŋerin, muitala Internašunála Sámi filbmainstituhtta (ISFI) jođiheaddji Anne Lájlá Utsi. Govven: Nils Johan Vars.

Eai goassege ovdal ráhkaduvvon ná olu sámi filmmat

Sámi filbmaealáhus lea joksame ođđa olahusa, go eai goassege ovdal leat ná ollu sámi filmmat leamaš jođus, dieđiha Internašunála Sámi filbmainstituhtta. Birrasiid 40 filmma leat boađi boađi (geahča vuolemusas áššis).

14:42 Cuoŋománu 28. beaivi 2016
Ođastuvvon: 28.04.2016 - 15:01

Oktiibuot leat logi guhkesfilmma, njeallje TV ráiddu, vuosttaš sámi guhkes filbma mánáide ja máŋga eará mánáid- ja nuoraidfilmmat ja 30 oanehis- ja dokumentárafilmma leat dál ovdáneame Sámis.

– Sámi filbmaaktivitehta ii leat várra goassege leamaš ná stuoris ja filmmat ráhkaduvvojit buot šáŋŋerin, muitala Internašunála Sámi filbmainstituhtta (ISFI) jođiheaddji Anne Lájlá Utsi preassadieđáhusastis.

 

Čogget bálkkašumiid

Sámi filmmat árvvus adnojit ja čogget bálkkašumiid miehtá máilmmi.

– Máŋga sámi filmma leat vuoitán bálkkašumiid stuora filbmafestiválain ja ollu sámi filmmat johtet viidát máilmmis, ja mii vásihit stuora beroštumi sámi filmmaide. 7 sami stories leat čájehuvvon badjel 70 sajis miehtá máilmmi ja dáin lea maid Kanadalaš biđgejeaddji, muitala Utsi.

 

Vuosttaš lullisámi guhkesfilbma

Dán jagi almmuhuvvo maid vuosttaš lullisámi guhkesfilbma, Amanda Kernell «Sameblod» (sámás: Sámi varra). Dát lea vuosttaš guhkesfilbma ođđa sámi filbmabuolvvas ja dán prošeavtta lea Internašunála Sámi filbmainstituhtta dorjon álggu rájes ja lea maid vuosttaš guhkesfilbma maid ISFI lea dorjon 2105:s 800 000 ruvnnuin.


Filbmadahkki Katja Gauriloff filbma «Kaisa´s enchanted forest» vuosttaščájálmas lea HOT DOCS filbmafestiválas Torontos, Kanadas.
ISFI preassagovva.

 

Vuosttaščájálmas Kanadas

Nuorttalaš filbmadahkki Katja Gauriloff ođđa dokumentárafilbma «Kaisas enchanted forest» lea beassan vuosttaščájálmassan árvvus atnon HOT DOCS filbmafestiválii, Torontos Kanadas.

– ISFI álggaha maid nuoraid filbmaprošeavtta gos sámi nuorat ožžot doarjaga ráhkadit filmmaid, vuosttaš deaivvadeapmi lea Anáris ovdal geasi lohká Utsi.

 

ISFI ruhtadangáldun filbmabuvttademiide

Internašunála Sámi Filbmainstituhtta oažžu 3.97 MNOK Norgga Kulturdepartemeanttas ja 1.4 MNOK Norgga Sámedikkis 2015is. Norgga ráđđehusa filbmadieđáhusas áigot rahpat vejolašvuođa ISFIai doarjut maid guhkesfilmmaid ja TV ráidduid ja ISFI bargá oažžut davviriikkalaš ruhtadeami dása.

 

Ovdanahttin doarjagat maid ISFI lea ruhtadan

Paul Ante Simma, dok RÁHKIS EADNI – kr 60 000

Per Ivar Jensen, SVART NATT guhkesfilbma – kr 60 000

Per Josef Idivuoma, BAHÁS VEARREDAHKKI, guhkesfilbma  – kr 60 000

Liselotte Wajstedt, SILENCE IN SÁPMI, dok,  – kr 60 000

Bautafilm, FAAMOE, drama ráidu – kr 30 000

Hætta Productions, dok VIDAS EXTREMAS, – kr 30 000

Davas Film, Internašunaliseren doarjja – kr 50 000

Bautafilm, VAAJESE, animašuvdna ráidu mánáide – kr 37 000

Relation04Media, VÁRJALEADDJIT, dok,  – kr 60 000

Suvi West, SOHKAMUORRAN, dok – kr 60 000

 

Buvttadan doarjagat

123 BOOM - kr 250 000

Oanehis fikšuvdna. Buvttadeaddjit: Bautafilm/Idistudios/Reinfilm,           

123 Boom lea oanehisilbma mii váldá vuođu duohta dáhpáhusas 2. máilmmisoađi áigge, gos golbma leaikás sápmelačča leat guovddážis. Davviriikalaš co-buvttadeapmi.

 

TIKOPIA  - kr 180 000

Dokumentára. Sámi Kompania/Arwestud Film.   

TIKOPIA lea dokumentára filbma maid filbmadahkki John Erling Utsi áigu ráhkadit ovttas Corto Fajalain. Dokumentáras Jaskesábi suolu Tikopia muitala eallimis birra. Doppe orrot 1500 olbmo geat háliidit doalahit árbevirolaš eallima, muhto maŋemus áiggiid leat šaddan várjališgoahtit sullo ja eallimiidaset. Dálkkádat rievdamat áitet sullo ja garrásut biekkat dahket eanet aht eanet vahága.

                    

AKVARIUM - kr 250 000                                                                                                  

Oanehis fikšuvdna. Buvttadeaddji: Rein Film.

Oanehisfilmma Akvariuma bagadallá Yvonne Thomassen. Akvarium lea báhtareaddji lunttaža Amir birra, gii ohccá suoji buollašis muhtin viesus. Doppe beassá liekkadit, dassá go eaiggát Niillas boahtá, Amir čiehkadá ja ballá gávnnahallamis. Aktoealit Niillas, gii orru viesus, láhkona várrogasat ja olmmáivuohta čuožžila gáfegohpu jugadettin.

 

JOIKEN OM NYE NORGE - kr 250 000

Dokumentára. SAFI.

Paul Ante Simma áigu ráhkadit western dokumentára filmma Joiken om nye Norge, mii lea gili birra    ávdinvuođa ravddas. Dáppe beaškkehit iešguđet kultuvrrat oktii dáid guorba eatnamiid alde. Dát lea alimus Eurohpá Wild Westen.

 

Máŧkestipeanda

Sara Margrethe Oskal, Maoriland Film festival                              kr 13 000

På forsiden nå

Kárášjoga gielddastivračoahkkimis ikte jienastii posišuvdna virgádit ođđa ekonomiijabargi veahkehit gieldda čorget váttes ekonomalaš dilálašvuođa.  Várresátnejođiheaddji John Nystad (SáB) lohká ahte gielddas lea hoahppu oažžut veahki.

Almmuhuvvon odne, dii. 15:22 Golggotmánu 20. beaivi 2017

Stádaministara mielas lea buorre go ráđđehusas leat golbma nissona njunnošis. Ine Eriksen Søreide lea Norgga vuosttaš nisson olgoriikaministtar.

Almmuhuvvon odne, dii. 14:51 Golggotmánu 20. beaivi 2017

Riddu Riđđu AS stivrajođiheaddji Christina Henriksen muitala ahte sii leat duhtavaččat bargoveagain geat galget jođihit álgoálbmotfestivála ovddasguvlui.  – Mis lea áigumuš ahte Riddu Riđđu galgá leat dat deháleamos álgoálbmotfestivála, lohká son preassadieđáhusas ja lohká jáhkkit ođđa festiválahoavdda ja beaivválaš jođiheaddji dahkat buori barggu.

Almmuhuvvon odne, dii. 14:33 Golggotmánu 20. beaivi 2017

Statistihkalaš guovd­dášdoaimmahat árvala máŋga gáldu gos gávnnašii sámegielagiid, ovdamearkka dihte geahččat geat čužžot mearkaregistaris ja geat leat čađahan sáme­giel­eksámeniid.

Almmuhuvvon odne, dii. 13:21 Golggotmánu 20. beaivi 2017

Ruoŧŧelaš, gii lei iežas ustiba mielde goargŋumin Vågakallen 943 alla váris Lofuohtas, gahčai ikte eahkedis ja dál lea Nordlándda politiijaguovllu dieđihan ahte almmái lea gávdnon jápmán.

Almmuhuvvon odne, dii. 14:10 Golggotmánu 20. beaivi 2017

Politiijat muittuhit ahte sáhttá 9000 ruvdnosaš sáhkku jus gožžá eará sajiide go hivssegii.

Almmuhuvvon odne, dii. 12:39 Golggotmánu 20. beaivi 2017

Sámediggeráđđi lea dál bargagoahtán 2018 bušeahtain. Dál oaivvildit ahte sin doaibmanvejolašvuohta lea garrasit gáržžiduvvon, smávva lassáneami geažil stádabušeahtas.

Almmuhuvvon odne, dii. 13:31 Golggotmánu 20. beaivi 2017

Sámedikki ovddasteaddjit čoahkkinaste gieskat ON mánáidlávdegottiin Genéves. Sámediggi ovdanbuvttii muhtun hástalusaid maid sámi mánát ja nuorat vásihit.

Almmuhuvvon odne, dii. 11:54 Golggotmánu 20. beaivi 2017

Ovdalaš áiggi masse olu boazosámit iežaset rivttiid ja duvdiluvvojedje eret ealáhusas. Masá 50 jagi maŋŋel go Baal-bearaš massii eallinláibbis, de háliidivččiiga oappážagat ruovttuluotta boazodollui. Norgga Árktalaš Universitehta juridihkalaš professor Øyvind Ravna dadjá dán váddása duohken.

Almmuhuvvon odne, dii. 07:00 Golggotmánu 20. beaivi 2017

Romssa fylkkadiggi lea árvalan nama ođđa fylkii mii ovttastahttá dálá Finnmárkku ja Romssa.

Almmuhuvvon odne, dii. 11:18 Golggotmánu 20. beaivi 2017

Fargga 30-jahkásaš ii leat vel gávdnon maŋŋel gahččanlihkuhisvuođa Vågakallenis, lulábealde Svolværa Lofuohtas.

Almmuhuvvon odne, dii. 10:33 Golggotmánu 20. beaivi 2017

Njealji mánu geahčen cáhkkehuvvo fas Olympiadolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

Almmuhuvvon odne, dii. 10:32 Golggotmánu 20. beaivi 2017

Politiijat ávžžuhit dieđihit jus leat eambbo áššit. Psykologa rávve movt galgá hupmat nuoraiguin váttis áššiid birra.

Almmuhuvvon ikte, dii. 15:35 Golggotmánu 19. beaivi 2017

Juohke jagi gávdnet sii bohccuid maidda leat sorron boares telefon­streaŋggat, ja bohccuid mat leat darvánan daidda ja jápmán meahccái. – Dál lea áigi čálligoahtit beaivesáhkuid Telenorii, oaivvilda boazodoalli.

Almmuhuvvon ikte, dii. 13:50 Golggotmánu 19. beaivi 2017