Nora Marie Bransfjell. NSR preassagovva: Marie Louise Somby

Nora Marie Bransfjell – NSR vuosttaševttohas Mátta-Sámi válgabiirres

NRK Sápmi ja Ávvir leat bivdán listonjunnošiid, geat oassálastet 2017 sámediggeválgii, vástidit moadde gažaldaga iežaset birra. Dá lea okta kandidáhtain:

14:06 Borgemánu 14. beaivi 2017
Ođastuvvon: 01.09.2017 - 13:39

Válgabiire: Åarjel Saepmie

Bellodat: NSR

Namma: Nora Marie Bransfjell

Ahki: 62

Siviiladilli: Náitalan

Eatnigiella/giella: Sámegiella ja dárogiella

 

Beroštumit

 

Makkár astoáigedoaimmat leat dus?

 

– Giella ja lohkat girjjiid.

 

Mii lea dat stuorámus maid leat vásihan eallimis?

 

– Mánát ja áhkkubat.

 

Maid dagat go áiggut vuoiŋŋastit?

 

– Guldalan musihka, dahje čoavddán sudoku.

 

Gii lea du stuorámus ovdagovva ja manne?

 

– Ii oktage earenoamáš, muhto mu mielas lea Sápmi bajásgeassán máŋga unna stuora nissonolbmuid.

 

 

Bargu ja oahppu

 

Maid don barggat dál ja makkár barggut leat dus ovdal leamašan? Makkár oahppu lea dus?

 

– Mu oahppoduogáš lea oahpaheaddji. Mun lean bargan Davvi-Trøndelága Allaskuvllas, mii dál lea Davvi Universitehta. Mun lean oahpahan buot cehkiin skuvllas, ovdaskuvllas gitta allaskuvlladassái, mus leat feara makkár vásáhusat earret eará lean leamaš sadjásaš rektor, sensorbarggut, oahponeavvut ja olu eanet. Lean maid mielde boazodoalus.

 

 

Politihkalaš duogáš

 

Guđiid bellodagaid leat don ovddastan? Leat go leamašan sámediggeáirras?

 

– Lean ovddastan NSR Sámedikkis, várreáirras vuosttaš ja maŋemuš áigodagas.

 

 

Váibmoáššit

 

Guđiid áššiide áiggut bidjat fokusa?

 

– Mun beroštan eanaš áššiin. Mánáid bajásšaddaneavttut ja boarrásiid dilálašvuohta. Areálaáššit leat guovddážis go areálat gáržot jagis jahkái eai ge kompenserejuvvo.

 

Mii lea du mielas eanemus hástaleaddjin maid sámediggi ferte čoavdit čuovvovaš áigodagas?

 

– Areálaáššit, sihke čázis ja eatnamis.

 

Čilge manne/manne eai galggaše minerála- ja ruvkefitnodagat oažžut lobi ásahit ja álggahit doaimmaid sámi guovlluin?

 

– Dat leat divvumeahttun sisabahkkemat dain.

 

Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?

 

– Areálaáššit ja boraspiret.

 

Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit ealáhusas / álgit ealáhussii?

 

– Addit buot vuođđoealáhusaide positiivvalaš beaggima.

 

Mii lea dat stuorámus hástalus guolástusealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?

 

– Rievdadit láhkaortnega.

 

Sámegielat, movt berre Sámediggi láhčit dili nu ahte nannejuvvojit čuovvovaš áigodagas?

 

– Lagat oktavuohta singuin geat geavahit giela, makkár dárbbut leat sis?

 

Makkár ođđa bargosajiid lea dehálaš vuoruhit čuovvovaš áigodagas?

 

– Báikegottiin ja birrasiin ferte gulaskuddat makkár bargosajit sis sáhtáše leat.

 

Guhte ášši lea čuohcan dutnje eanemusat ja manne?

 

– Ahte boazodoallu erenoamážit ii oro oažžume ipmárdusa makkár dárbbut sis leat.

På forsiden nå

Smávva bellodagat, mat eai beassan ovttain ge áirasiin Sámediggái, ožžo nubbin eanemus jienaid sámediggeválggas. – Dat jienat leat duohtavuođas mannan duššái, dego njuolggut bálkestuvvon ruskalihttái, lohká servodatberošteaddji.

Almmuhuvvon ikte, dii. 15:07 Čakčamánu 20. beaivi 2017

Lávvordateahkedis galgá leamaš biila Odd Henry Lahm viesu olggobealde Sieiddás. Politiijat ohcalit dál biilavuoddji.

Almmuhuvvon ikte, dii. 13:29 Čakčamánu 20. beaivi 2017

Norgga bargo- ja čálgoetáhta NAV šaddá eanet mobiila ja galgá geavaheddjiide láhčit buoret bálvalusaid.

Almmuhuvvon ikte, dii. 13:25 Čakčamánu 20. beaivi 2017

Mállásat leat menddo árrat dearvvasvuođaguovddážiin miehtá Norgga ja dat leat dagahan iešguđetlágan váttisvuođaid, dego váilevaš biebmama. Porsáŋggu gielda rievdadii boradanáiggiid čakčamánu 19. beaivvi, ja Kárášjoga gielda dieđiha sii maiddái áigot dan dahkat farggamusat.

Almmuhuvvon ikte, dii. 11:36 Čakčamánu 20. beaivi 2017

Kárášjoga gielda biehtta­la ahte sis leat guokte­nuppelogis vuordimin saji buhcciidruktui.

Almmuhuvvon ikte, dii. 09:25 Čakčamánu 20. beaivi 2017

RDM-Porsáŋggu musea bovde čájáhusrahpamii gos čájehit Liv Engholm govvačájáhusa. Son govve earret eará luonddu, olbmuid ja elliid, ja sus lea álo govvenapparáhtta fárus.

Almmuhuvvon ikte, dii. 11:32 Čakčamánu 20. beaivi 2017

Guovdageainnus šaddet čázi haga sullii njeallje diimmu.

Almmuhuvvon ikte, dii. 09:42 Čakčamánu 20. beaivi 2017

Politiijat dieđihit ahte leat ain olles veagain ohcamin Odd Henry Lahma Deanus.

Almmuhuvvon ikte, dii. 09:37 Čakčamánu 20. beaivi 2017

Dás beasat lohkat čoahkkáigeasu ivttá FeFo stivračoahkkimis, mas dahkkui historjjalaš mearrádus go ášši sáddejuvvui Sámedikki meannudeeapmái Finnmárkkolága vuođul. – Ledjen gal vuordán dan bohtosa, muhto goitge lean gal veahá beahtahallan go sávven ahte eanetlohku jienasta árválusa vuostá, logai Mathis Nilsen Eira maŋŋel čoahkkima.

12:39 Čakčamánu 19. beaivi 2017

Marit Mathisdatter Anti muittohuvvan isit, ferte máksit 9350 ruvnno mánnui orrut fuolahusvisttis Kárášjogas, ja eamida mielas leat dát olmmošmeahttun hattit. Oktiibuot go lea máksán buot rehkegiid, de báhcá son velggolažžan 2700 ruvnno mánnui.

10:09 Čakčamánu 19. beaivi 2017

Finnmárkku fylkkalávdegoddi válljii disdaga orrunmovtta bálkkašumi vuoiti.

Almmuhuvvon ikte, dii. 07:39 Čakčamánu 20. beaivi 2017

Dál lea viimmat Sea King seivon Sieidái ja lea gearggus vuolgit ohcat Odd Henry gii lea láhppon.

15:31 Čakčamánu 19. beaivi 2017

Gielddabargiguoktá leaba mielde ohcamin Odd Henry ja soai leaba bargan suinna máŋga jagi, sudnuide lea dehálaš ahte son gávdno.

14:33 Čakčamánu 19. beaivi 2017

Vahkku 38 galgá Stáda geaidnodoaimmahat čađahit busseboagándárkkistemiid. Sii sávvet ahte dán háve eai gávnna mánáid geat leat vuollel 15 jagi boarrásat ja leat luovos bussiin, nu go ovddit dárkkisteamis gávdne.

14:50 Čakčamánu 19. beaivi 2017