GONAGASLAŠ GUOSSIT: Sámedikki dievasčoahkkinjođiheaddji Jørn Are Gaski mieđuštii Gonagas Harald V ja Kruvdnaprinssa Håkon Magnusa váldobeavdái. Go soai leigga čohkkedan, de čohkkedii ieš ja maiddái guossit. Olgeš bealde Sámediggepresideanta Vibeke Larsen ja Ruoŧa beal Sámedikki stivraságadoalli Per Olof Nutti. Buot govat: Astrid Helander

Gonagas Harald V ja kruvdna­prinssa guossit

Norgga beale Sámediggi guossohii beaivemállásiid Gonagas Haraldii V ja Kruvdnaprinsa Håkon Magnusii ja bovdejuvvon gussiide ja Sámedikki áirasiidda Scandic Kárášjogas maŋŋá Sámedikke rahpama.

22:24 Golggotmánu 11. beaivi 2017
Ođastuvvon: 12.10.2017 - 09:54

Sámediggi guossohii beaivemállásiid Scandic Kárášjoga hoteallas.

Gudneguossit Gonagas Harald V ja Kruvdnaprinsa Håkon Magnus bođiiga hotellii tiibmu 14.00, dalá maŋŋá Sámedikki rahpama.


Govven: Astrid Helander

 

Bovdejuvvon guossit ja sámediggeáirasat gávdne iežaset saji málesbeavddis, ovdal go Sámedikki dievasčoahkkinjođiheaddji Jørn Are Gaski, gii mieđuštii Gonagas Haralda V ja Kruvdnaprinsa Håkon Magnusa beavdái. 

Lei várrejuvvon veaháš áigi pressii, govvet Gonagas Harald V ja Kruvdnaprinsa go čohkkejit váldobeavdái. 


Govven: Astrid Helander

Gonagas Haralda V gurutbealde čohkkái Stuorradikki vuosttaš várrepresideanta Eva Kristin Hansen.

Gasku Gonagasa ja Kruvdnaprinssa lei fas Jørn Are Gaski sadji. Kruvdnaprinsa Håkon Magnus bálddas čohkkái Sámedikki presideanta Vibeke Larsen.


Govven: Astrid Helander

 

Váldobeavddis čohkkájedje Aili Keskitalo, Tiina Sanila-Aikio, Per Olaf Nutti, Vibeke Larsen, Per-Olof Nutti, gielddaministtar Jan Tore Sanner ja Finnmárkku Fylkkamánni Ingvild Aleksandersen. 

Láidesteaddjin lei Aili Keskitalo ja stáhtaráđđi ges Jan Tore Sanner giittii borramušaid ovddas. 

 

Ovdaborramuššan guossohuvvui luossa ahkevihta buolliviinnas finahuvvon, siltejuvvon behtat ja urttat.

Váldoborramuššan guossohuvvui  bohcco savodeahkki, timian siirát, šelggodahtton ruohttasat, kantarealla guobbarat ja jokŋagéla.

Bajildussan guossohuvvui vilges šukkoládadeardna, pistasj crumble ja báikki luopmánat. 

 

På forsiden nå

Kárášjoga gielddastivračoahkkimis ikte jienastii posišuvdna virgádit ođđa ekonomiijabargi veahkehit gieldda čorget váttes ekonomalaš dilálašvuođa.  Várresátnejođiheaddji John Nystad (SáB) lohká ahte gielddas lea hoahppu oažžut veahki.

Almmuhuvvon odne, dii. 15:22 Golggotmánu 20. beaivi 2017

Stádaministara mielas lea buorre go ráđđehusas leat golbma nissona njunnošis. Ine Eriksen Søreide lea Norgga vuosttaš nisson olgoriikaministtar.

Almmuhuvvon odne, dii. 14:51 Golggotmánu 20. beaivi 2017

Riddu Riđđu AS stivrajođiheaddji Christina Henriksen muitala ahte sii leat duhtavaččat bargoveagain geat galget jođihit álgoálbmotfestivála ovddasguvlui.  – Mis lea áigumuš ahte Riddu Riđđu galgá leat dat deháleamos álgoálbmotfestivála, lohká son preassadieđáhusas ja lohká jáhkkit ođđa festiválahoavdda ja beaivválaš jođiheaddji dahkat buori barggu.

Almmuhuvvon odne, dii. 14:33 Golggotmánu 20. beaivi 2017

Statistihkalaš guovd­dášdoaimmahat árvala máŋga gáldu gos gávnnašii sámegielagiid, ovdamearkka dihte geahččat geat čužžot mearkaregistaris ja geat leat čađahan sáme­giel­eksámeniid.

Almmuhuvvon odne, dii. 13:21 Golggotmánu 20. beaivi 2017

Ruoŧŧelaš, gii lei iežas ustiba mielde goargŋumin Vågakallen 943 alla váris Lofuohtas, gahčai ikte eahkedis ja dál lea Nordlándda politiijaguovllu dieđihan ahte almmái lea gávdnon jápmán.

Almmuhuvvon odne, dii. 14:10 Golggotmánu 20. beaivi 2017

Politiijat muittuhit ahte sáhttá 9000 ruvdnosaš sáhkku jus gožžá eará sajiide go hivssegii.

Almmuhuvvon odne, dii. 12:39 Golggotmánu 20. beaivi 2017

Sámediggeráđđi lea dál bargagoahtán 2018 bušeahtain. Dál oaivvildit ahte sin doaibmanvejolašvuohta lea garrasit gáržžiduvvon, smávva lassáneami geažil stádabušeahtas.

Almmuhuvvon odne, dii. 13:31 Golggotmánu 20. beaivi 2017

Sámedikki ovddasteaddjit čoahkkinaste gieskat ON mánáidlávdegottiin Genéves. Sámediggi ovdanbuvttii muhtun hástalusaid maid sámi mánát ja nuorat vásihit.

Almmuhuvvon odne, dii. 11:54 Golggotmánu 20. beaivi 2017

Ovdalaš áiggi masse olu boazosámit iežaset rivttiid ja duvdiluvvojedje eret ealáhusas. Masá 50 jagi maŋŋel go Baal-bearaš massii eallinláibbis, de háliidivččiiga oappážagat ruovttuluotta boazodollui. Norgga Árktalaš Universitehta juridihkalaš professor Øyvind Ravna dadjá dán váddása duohken.

Almmuhuvvon odne, dii. 07:00 Golggotmánu 20. beaivi 2017

Romssa fylkkadiggi lea árvalan nama ođđa fylkii mii ovttastahttá dálá Finnmárkku ja Romssa.

Almmuhuvvon odne, dii. 11:18 Golggotmánu 20. beaivi 2017

Fargga 30-jahkásaš ii leat vel gávdnon maŋŋel gahččanlihkuhisvuođa Vågakallenis, lulábealde Svolværa Lofuohtas.

Almmuhuvvon odne, dii. 10:33 Golggotmánu 20. beaivi 2017

Njealji mánu geahčen cáhkkehuvvo fas Olympiadolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

Almmuhuvvon odne, dii. 10:32 Golggotmánu 20. beaivi 2017

Politiijat ávžžuhit dieđihit jus leat eambbo áššit. Psykologa rávve movt galgá hupmat nuoraiguin váttis áššiid birra.

Almmuhuvvon ikte, dii. 15:35 Golggotmánu 19. beaivi 2017

Juohke jagi gávdnet sii bohccuid maidda leat sorron boares telefon­streaŋggat, ja bohccuid mat leat darvánan daidda ja jápmán meahccái. – Dál lea áigi čálligoahtit beaivesáhkuid Telenorii, oaivvilda boazodoalli.

Almmuhuvvon ikte, dii. 13:50 Golggotmánu 19. beaivi 2017