Finnmárkku fylkkasuohkana váldolávdegotti jođiheaddji Geir Ove Bakken. Govven: Maria Borch Mietinen

Ruhtadoarjja kulturviesuide unnu Finnmárkkus

Kulturdepartemeanta lea unnidan doarjagiid 64 proseanttain maŋemus viđa jagis. Váldolávdegotti jođiheaddji reagere garrasit unnideapmái.

12:00 Golggotmánu 08. beaivi 2017
Ođastuvvon: 08.10.2017 - 12:08

Viđa jagis lea kulturdepartemeanta unnidan ruhtadoarjaga golmma milliuvnna ruvnnuin. 2013s lei doarjjasupmi badjelaš 4,4 milliuvnna. Dál lea supmi unnon gitta 1,6 milliuvdnii.

 

Vuordá lassáneami

Finnmárkku fylkkagieldda váldolávdegotti jođiheaddji Geir Ove Bakken lea vuorjašuvvan dan stuora unnideami ovddas.

– Leat stuora váikkuhusat báikkálaš ja guovlulaš kultureallimii Finnmárkkus, ja dagaha váttis dili fylkkasuohkanii vuoruhit ja juolludit dáid ruđaid, lohká Bakken preassadieđáhusas ja lasiha:

– Jus vel eanet unnida dán doarjaga, de sáhttá olles doarjjaortnet billahuvvat. Vuordámušat leat ahte ruhtasupmi lasihuvvo, dadjá son.

 

Smávit gilážiid ovddas vuorjašuvvan

Váldolávdegotti jođiheaddji vuorjašuvvá ruđaid dihte mat doalahit ja ovdánahttet kultureallima unnit báikkiin ja giliin fylkkas. Maŋemus jagiid leat doarjagat leamaš dehálaččat prošeavttaid čađaheapmái, sihke ođđa kulturviesu huksemii Gilivuonas, ja Buollánávžži servvodatviesu divodeapmái.

 

Dás oainnát man ollu doarjja lea leamaš maŋemus vihtta jagi:

Jahki Doarjja
2013 4 468 824 ruvnno
2014 4 352 556 ruvnno
2015 3 251 522 ruvnno
2016 2 261 717 ruvnno
2017 1 627 826 ruvnno

 

Fáddásánit
Kultuvra

På forsiden nå

Kárášjoga gielddastivračoahkkimis ikte jienastii posišuvdna virgádit ođđa ekonomiijabargi veahkehit gieldda čorget váttes ekonomalaš dilálašvuođa.  Várresátnejođiheaddji John Nystad (SáB) lohká ahte gielddas lea hoahppu oažžut veahki.

Almmuhuvvon odne, dii. 15:22 Golggotmánu 20. beaivi 2017

Stádaministara mielas lea buorre go ráđđehusas leat golbma nissona njunnošis. Ine Eriksen Søreide lea Norgga vuosttaš nisson olgoriikaministtar.

Almmuhuvvon odne, dii. 14:51 Golggotmánu 20. beaivi 2017

Riddu Riđđu AS stivrajođiheaddji Christina Henriksen muitala ahte sii leat duhtavaččat bargoveagain geat galget jođihit álgoálbmotfestivála ovddasguvlui.  – Mis lea áigumuš ahte Riddu Riđđu galgá leat dat deháleamos álgoálbmotfestivála, lohká son preassadieđáhusas ja lohká jáhkkit ođđa festiválahoavdda ja beaivválaš jođiheaddji dahkat buori barggu.

Almmuhuvvon odne, dii. 14:33 Golggotmánu 20. beaivi 2017

Statistihkalaš guovd­dášdoaimmahat árvala máŋga gáldu gos gávnnašii sámegielagiid, ovdamearkka dihte geahččat geat čužžot mearkaregistaris ja geat leat čađahan sáme­giel­eksámeniid.

Almmuhuvvon odne, dii. 13:21 Golggotmánu 20. beaivi 2017

Ruoŧŧelaš, gii lei iežas ustiba mielde goargŋumin Vågakallen 943 alla váris Lofuohtas, gahčai ikte eahkedis ja dál lea Nordlándda politiijaguovllu dieđihan ahte almmái lea gávdnon jápmán.

Almmuhuvvon odne, dii. 14:10 Golggotmánu 20. beaivi 2017

Politiijat muittuhit ahte sáhttá 9000 ruvdnosaš sáhkku jus gožžá eará sajiide go hivssegii.

Almmuhuvvon odne, dii. 12:39 Golggotmánu 20. beaivi 2017

Sámediggeráđđi lea dál bargagoahtán 2018 bušeahtain. Dál oaivvildit ahte sin doaibmanvejolašvuohta lea garrasit gáržžiduvvon, smávva lassáneami geažil stádabušeahtas.

Almmuhuvvon odne, dii. 13:31 Golggotmánu 20. beaivi 2017

Sámedikki ovddasteaddjit čoahkkinaste gieskat ON mánáidlávdegottiin Genéves. Sámediggi ovdanbuvttii muhtun hástalusaid maid sámi mánát ja nuorat vásihit.

Almmuhuvvon odne, dii. 11:54 Golggotmánu 20. beaivi 2017

Ovdalaš áiggi masse olu boazosámit iežaset rivttiid ja duvdiluvvojedje eret ealáhusas. Masá 50 jagi maŋŋel go Baal-bearaš massii eallinláibbis, de háliidivččiiga oappážagat ruovttuluotta boazodollui. Norgga Árktalaš Universitehta juridihkalaš professor Øyvind Ravna dadjá dán váddása duohken.

Almmuhuvvon odne, dii. 07:00 Golggotmánu 20. beaivi 2017

Romssa fylkkadiggi lea árvalan nama ođđa fylkii mii ovttastahttá dálá Finnmárkku ja Romssa.

Almmuhuvvon odne, dii. 11:18 Golggotmánu 20. beaivi 2017

Fargga 30-jahkásaš ii leat vel gávdnon maŋŋel gahččanlihkuhisvuođa Vågakallenis, lulábealde Svolværa Lofuohtas.

Almmuhuvvon odne, dii. 10:33 Golggotmánu 20. beaivi 2017

Njealji mánu geahčen cáhkkehuvvo fas Olympiadolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

Almmuhuvvon odne, dii. 10:32 Golggotmánu 20. beaivi 2017

Politiijat ávžžuhit dieđihit jus leat eambbo áššit. Psykologa rávve movt galgá hupmat nuoraiguin váttis áššiid birra.

Almmuhuvvon ikte, dii. 15:35 Golggotmánu 19. beaivi 2017

Juohke jagi gávdnet sii bohccuid maidda leat sorron boares telefon­streaŋggat, ja bohccuid mat leat darvánan daidda ja jápmán meahccái. – Dál lea áigi čálligoahtit beaivesáhkuid Telenorii, oaivvilda boazodoalli.

Almmuhuvvon ikte, dii. 13:50 Golggotmánu 19. beaivi 2017