ISÁK čuojaha musihka mas lea luohteseaguhus, urbána synthat, eaŋgalas ja sámegiel teavsttat. Govven: Daniel Mikkelsen.

Liekkadallet lávket Riddu lávdái

Maŋit bearjadaga lágiduvvo Riddu Riđu almmuhanfeasta Romssas, gos liekkadallet geasi festiválii ISÁK joavkkuin.

12:03 Miessemánu 19. beaivi 2017

ISÁK joavku galgá čájehit oasáža maid geasi čábbámus máidnasis oažžu vásihit, čállá Riddu Riđđu preassadieđáhusas.

– Šaddá buorre liekkadeapmi dán jagáš festiválii. Lea somá fállat gehččiide oasáža prográmmas, ja ISÁK čájeha dan nuorra beali dán jagáš festiválaprográmmas, muitala festiválahoavda Karoline Trollvik.

 

Riddu Riđđu almmuha dán jagáš festiválaprográmma bearjadaga miessemánu 26. beaivvi beaivet, Romssa universitehtas. Eahkedis lea konsearta Drivas. Doalut leat nuvttá ja lea 18-jahkásaš ahkemearri.

På forsiden nå