Amanda Kernell preassagovva

Filbma­árvvoštallan: – Garra historjá sámi bajás­šaddama birra

«Sameblod» lea vuosttaš Lulli-Sámi filbma mas lea kvalitehta buot osiin. Lea earenoamážit nuorra váldorollaneavttár mii hirpmástuhttá.

12:06 Njukčamánu 14. beaivi 2017
Ođastuvvon: 14.03.2017 - 13:56

Sameblod

Árvvoštalli: Nils Gjerstad

Ruoŧa drámá

Neavttárat: Lene Cecilia Sparrok, Mia Erika Sparrok, Maj Doris Rimpi,Julius Fleischanderl, Olle Sarri, Hanna Alström, Malin Crépin, Andreas Kundler ja Ylva Gustafsson

Regiija: Amanda Kernell

Mánus: Amanda Kernell

Buvttadan: Nordisk Film Production, Bautafilm, Sveriges Television, SYT, DigiPilot AS

Distribušuvdna: Storytelling Media

Buvttadanjahki: 2016

Guhkkodat: 1 diimmu 50 min.

Ahkemearri: 9

Bircolohku: 5

Muitalusa rámma lea go penšunerejuvvon sámi nissonolmmoš Elle-Márjá fas boahtá Norrlándii searvat lagas bearašlahtu hávdádussii.

Davvi-Ruoŧas beassá son maid vásihit Davviriikkaid luonddu ja sámi kultuvrra.

Eanas dáhpáhusat filmmas lea geahčestagat go Elle-Márjá bajásšattai garra dilis Davvi-Ruoŧas 1930-logus.

Rasisma lei beaivválaš ja gávdnui juohke dásis servvodagas, maiddái stáhtalaš institušuvnnain.

Elle-Márjá vásiha maid earret eará rasisttalaš «dieđalaš» oaiveskálžomihtidemiid.

Lea garra bajásšaddan internáhttaskuvlla heajos dilis, iežas váhnemiid haga.

«Geahččin ferte olmmoš oassádallat ujus Elle-Márjjáin, leaš dal heahpadasas govvejuvvome áibbas álásin ovddabealde olbmuid, oažžu rámi oahpaheaddjis dahje go báikkálaš nuorat hárdet su.» 

Dát lea unohas oassi Ruoŧa historjjás, muhto man lea dehálaš čuvget.

Lihkus gávdnojit maid buoret oasit ja romantihkalaš áiggit Elle-Márjjá bajásšaddamis, nu go veahá váttes oktavuohta Ruoŧa gaskaklássa bártniin.

 

Davvi-Ruoŧa eanádat dahká drámái poehtalaš ja majestehtalaš birrasa.

Filbmamusihkka lea maid hui fiinnis ja dahká hui epihkalaš duogáža.

Sisdoallu geasuha sakka, muhto muhtumin manná veahá njozet ja dego bisána, muhto buot orru autenttalaš.

Seammás háliidivččen maid diehtit eanet mii Elle-Márjjáin dáhpáhuvai nuorravuođas dassážii go ollesolmmožin šattai.

«Goitge lea dát ollislaš ja garra drámá mii ii goassege šatta beare sentimentálan ja lossadin.» 

Filbma fátmmasta maid olu dovdduid ja miellalágiid.

Ruoŧa mánusčálli ja rešissevra Amanda Kernell (r. 1986) hirpmástuhttá sakka iežas vuosttaš filbmarešissevrabargguin ja čájeha duođaid taleantta gaskkustit váttes historjjá.

Ovdal lea son ráhkadan máŋga oanehisfilmma, earret eará «Stoerre Vaerie» (2015), mii lea «Sameblod» filmma vuođđun.

 

Ferte maid rámidit neavttára Lene Cecilia Sparroka (eret Davvi-Trøndelágas) gii neaktá 14-jahkásaš Elle-Márjjá.

«Son čájeha olu dovdduid, nu go udjuvuođa, burrodaga, suhtu, morraša ja ráhkásmuvvama. Ii son álo daja nu olu, muhto son nákce čájehit olu dušše geahčastagain.»

 

«Sameblod» lea Ruoŧa, Norgga ja Danmárkku oktasaš buvttadeapmi, mii lea ožžon olu riikkaidgaskasaš beroštumi.

Diimmá čakčamánus lei das vuosttaščájálmas 73. filbmafestiválas Venezias.

Doppe vuittii filbma «Europa Cinemas Label» buoremus Eurohpá filbman ja kritihkarbálkkašumi «Fedeora» buoremus debutántarešissevran.

Tokyo riikkaidgaskasaš filbmafestiválas oaččui filbma maid bálkkašumiid.

Filmmas lea sullii 20 miljovnna ruvdnosaš bušeahtta.

Internašunála Sámi Filbmainstituhtta lea okta dain mii lea dorjon filmma 1,4 miljovnnain ruvnnuin.

 

 

 

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Kultuvra

På forsiden nå

Lávvardaga suoidnemánu 29.beaivvi álggahuvvojit dat beakkán Norway Cup spábbačiekčamat Oslos. Dasa servet joavkkut miehtá máilmmi, ja dán jagi servet ge maid Nordlysa G16 gánddat čiekčamiidda.

Almmuhuvvon odne, dii. 10:09 Suoidnemánu 24. beaivi 2017

Biilavuoddji ii bisánan go vujii bohcco njeaiga.

Almmuhuvvon ikte, dii. 13:36 Suoidnemánu 23. beaivi 2017

Dieđihuvvojedje buollimat Sieidejávrris, poliitijá vuoddjái veahkehit.

Almmuhuvvon odne, dii. 09:43 Suoidnemánu 24. beaivi 2017

550 olbmo Norggas sorbmejit iežaset juohke jagi. 75 proseantta sis leat almmáiolbmot. Dál čájehuvvo ahte dearvvašvuođaiskkadeapmi militearasešuvnnas sáhttá čielggadit geat sii leat.

Almmuhuvvon ikte, dii. 13:27 Suoidnemánu 23. beaivi 2017

Juohke goalmmát pasieantta gii iežas elektronalaš journála lea lohkan, dovdá eanet oadjebassan go deaivvada dearvvašvuođalágádusain. Ođđa iskkadeapmi čájeha ahte lea olu ávki pasieanttaide beassat lohkat doaktáriid ja divššáriid veardidemiid. Dan dieđiha DIPS preassadieđáhusas.

Almmuhuvvon ikte, dii. 14:38 Suoidnemánu 23. beaivi 2017

Politiijat leat dutkame vejolaš cahkkehemiid, guovtti barttas Gáivuonas, Romssas.

Almmuhuvvon ikte, dii. 12:19 Suoidnemánu 23. beaivi 2017

Reastaluvvamat ealáhusain leat njiedjan 5,6 proseanttain diimmá jagi ektui. Dattege leat bággoheaitimat lassánan 14,3 proseanttain.

Almmuhuvvon ikte, dii. 13:01 Suoidnemánu 23. beaivi 2017

Verddečiekčamiid finála vuoiti mearriduvvui maŋŋel gelddolaš ráŋggáštusčievččasteami Sáivuomi siidda ja Skuohttanjárgga dievdoluohká čiekčamis. Nissoniid luohkás vutte Ráisanieiddat. Geahča video:

20:32 Suoidnemánu 22. beaivi 2017

Verddečiekčamiin leat unnon joavkkut ja lágideaddjit oidnet hástalussan buolvamolsuma mii čiekčamiin dál dáhpáhuvvá, ja áigot ain geahččalit nuorat olbmuid geasuhit searvat.

12:45 Suoidnemánu 22. beaivi 2017

Stuorra sámi álgoálbmot risttalaš konferánssa lágiduvvo Lákšjogas Deanus ja leat sullii 700 olbmo geat oassálastet konferánsii. Lágideaddji Arild Måsø lohká soai eaba gal vuollánan eamidiinnis Ragnhildain, vaikke vuosttaš jagi bohte dušše 12 olbmo konferánsii. Dál njeallje jagi maŋŋá soai leaba ge lihkostuvvan doaluiguin.

12:02 Suoidnemánu 22. beaivi 2017

Sámedikki doaibmi presideanta Mariann Wollmann Magga čállá suoidnemánu 22. beaivvi leat dáhtoniin man ii goassege vajálduhte.

11:33 Suoidnemánu 22. beaivi 2017

Gottii stuorraluosaid.

11:54 Suoidnemánu 22. beaivi 2017

Namma: Anna Nedrejord

Ahki: 17

Guovlu: Kárášjohka

10:21 Suoidnemánu 22. beaivi 2017

Álttás galget muittašit dán lossa ja váivves dáhpáhusa mii dáhpáhuvai Oslos ja Utøyas guhtta jagi áige.

10:15 Suoidnemánu 22. beaivi 2017