MatPrat preassagovva

Ohcalit govaid ja videoid álbmogis

Norgga bohccobiergu lea nu hárvenaš gálvu ahte ii juolo go 300 grámma juohke norgalažžii jagis. Dál áigu rešissevranásti Instagram bokte gávdnat govaid iežas ođđa filbmaprošektii, mainna gudnejahttá ovtta máilmmi eanemus eksklusiiva biepmoávdnasiin.

15:05 Juovlamánu 18. beaivi 2015

Thomas Hilland beakkehii go ráhkadii Røyksopp joavkku musihkkavideo «Eple«. Iežas ođđaseamos filbmaprošeavttas MatPrat ovddas, áigu rešissevra geavahit boazodolliid iežaset vásáhusaid gudnejahttin dihte Norgga boazodoalu. Govaid viežžá máilmmi beakkáneamos gramas, nammalassi govva- ja videobálvalusas Instagramas.

– 300 Instagram-govain áigu ráhkadit filmma 300 grámma bohccobierggu birra. Filbma galgá ráhkaduvvot govaiguin mat leat sáddejuvvon miehtá Norgga, nu ahte ii šatta filbma jus norgga álbmot ii searvva dása. Nu álki, nu issoras ja nu gelddolaš dat lea. Mun duođaid sávan olbmuid searvat dása, dadjá Hilland.

 

– Mii leat sihke govaid ja filmmažiid ozus, áidna eaktun lea ahte galgá juhkkojuvvon Instagram profiilii man leat gohčodan @300insta. Sáhttá leat erenoamáš govva Norggas, go leat meahcis vánddardeamin, duoddaris dahje mállásiid borramin barttas. Sáhttá leat filmmaš bohccuid luhtte, dahje dušše čáppa modji, dadjá Hilland.

 

Háliida olbmuid vásáhusaid

Máinnusfilbma mas jo lea namma «300 Instagram», čájehuvvo vuosttaš geardde Norgga TV-šearpmain guovvamánus. Prošeavtta duohken leat MatPrat, geain lea ovddasvástádus márkanfievrredit bohccobierggu Norggas, sii leat ožžon ámmáha Bohccobierggu márkanlávdegottis.

– Norgga boazodoalus lea guhkes ja čeavlás árbevierru, man bokte mii oažžut ovtta máilmmi eanemus sierralágan biebmoávdnasa. Jáhkán olles Norgga álbmoga leat giitevažžan dan ovddas. Seammás dieđán ahte ealáhusas gávdnojit olu buori muitalusa ja vásáhusa iežaset árgabeaivvis. Danne háliidat gudnejahttit bohccobierggu, ja muitalit dan álbmoga iežas vásáhusaid bokte, muitala Ragnhild Kolvereid, geas lea bohccobiergokampánnjaid ovddasvástádus MatPratas.

– Vaikke norgga bohccobierggu liikojit ja jearahit riikkaidgaskasaččat, de mii geat orrut dáppe eat soaitte álot bohccobierggu atnit árvvus. Duohtavuođas ii juolo go 300 grámma bohccobiergu juohke norgalažžii jahkásaččat. Mii fertet árvvus atnit dán eksklusiiva biebmoávdnasa go mis lea nu lihkku ahte fitnet dakkára, dadjá Kolvereid.

 

Ná sáhtát searvat filbmii

Jus háliidat iežat gova dahje video mielde MatPrat ođđa máinnusfilbmii de dárbbašat nu gohčoduvvon «Smarttelefuvnna» mas lea Instagram appa. Ja de fertet juohkit iežat gova @300insta geavaheddjiin Instagramas.

– Darvvit ieža boazovásáhusa govvii dahje videoi, dahje geavat juoga mii dus lea jo vurkejuvvon telefuvnnas. Geavat Instagram Direkte-funkšuvnna ja sádde daid @300insta geavaheaddjái. Mii illudat oaidnit makkár govat Norgga álbmogis leat fállat, dadjá Kolvereid.

 

Dás logat eanet das mo searvvat prošektii.

 

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Guovdageaidnu vuoittáhalai ruovttušiljus.

Almmuhuvvon odne, dii. 11:27 Miessemánu 28. beaivi 2017

Deanu heaibunsearvvi Synne M. Haagensen šattai Davviriikkaid measttirin ikte.

Almmuhuvvon odne, dii. 10:44 Miessemánu 28. beaivi 2017

Loga maid Finnmárkku politiijat leat mannan ija šaddan bargat.

Almmuhuvvon odne, dii. 09:46 Miessemánu 28. beaivi 2017

Guokte olbmo beasaiga dearvan olggos.

Almmuhuvvon odne, dii. 10:21 Miessemánu 28. beaivi 2017

Sihke Nordlysas ja Guovdageainnus lea čiekčan odne.

Almmuhuvvon ikte, dii. 11:54 Miessemánu 27. beaivi 2017

Stáhtaministtar boahtá Romssa gávpogii borgemánus čuovvut sihkkelgilvvu.

Almmuhuvvon ikte, dii. 11:21 Miessemánu 27. beaivi 2017

Ráissa jumešnieiddat ja logi eará dovddus olbmo galget orrut Finnsvika dálus.

Almmuhuvvon ikte, dii. 10:23 Miessemánu 27. beaivi 2017

Massii vuodjingoartta ovdal go goarta lei dahkkon ge.

Almmuhuvvon ikte, dii. 09:33 Miessemánu 27. beaivi 2017

NBR jođiheaddji evttoha ahte boazodoalli galgá sáhttit duššo riŋgestit Fylkkamánnái jus olu goaskimat leat ealu alde, ja lohkat ahte ferte báhčit. – Otná njuolggádusaid mielde ii leat dat nu álki, lohká Finnmárkku fylkkamánni Biras- ja dálkkádatossodaga sekšuvdnajođiheaddji

15:29 Miessemánu 26. beaivi 2017

Boazoeaiggáda Aslak Mathis Turi mielas ii doaimma dálá boraspirehálddašeapmi, ja sus ii leat makkárge vuohki várjalit iežas bohccuid meahcceelliid vuostá. Son jáhkká buoremus livččii jus boazoeaiggádat beasaše hálddašit boraspiriid.

10:00 Miessemánu 26. beaivi 2017

Riddu Riđđu festiválas ii leat dušše musihkka guovddážis. Sii loktejit máŋggabealatvuođa álgoálbmotmáilmmis, ja digaštallet hástalusaid mat leat Sámis ja eará álgoálbmogiin.

11:22 Miessemánu 26. beaivi 2017

Boahtte vahkus deaivvada Sámediggi giellaguovddážiiguin bargobádjái digaštallat mo galget seailluhit sámegiella ja hutkát mo nagodit olahit mihttu oažžut 30 000 sámegielhálli.

10:56 Miessemánu 26. beaivi 2017

Norgga Sámiid Riikkasearvi lea mearridan ovddidit duohtavuođa- ja seanadankommišuvnna hoahppoáššin Sámedikki dievasčoahkkimii boahtte vahkus.

10:28 Miessemánu 26. beaivi 2017

Goas jiekŋa manná, lea giđa stuorámus dáhpáhus Deanuleagis, dat mearkkaša ahte luossabidvu láhkona. Olbmot leat vuorddašeame goas de sáhttet čoahkkanit Vuolle-Geavgŋái geahččat makkár fámut leat jođus go jiekŋa mánná.

12:04 Miessemánu 25. beaivi 2017