Govven: Astrid Helander (vuorkágovva)

Hans J. Eriksen - Ovddádusbellodaga 2. evttohas Nuortaguovllu válgabiirres

13:53 Borgemánu 22. beaivi 2017
Ođastuvvon: 01.09.2017 - 09:53

Válgabiire: Nuortaguovllu válgabiire

Bellodat: Ovddádusbellodat

Namma: Hans J. Eriksen

Ahki: 81

Siviiladilli: Ovttasássi, ja 4 máná.

 

 

Bargu ja oahppu

 

Maid don barggat dál ja makkár barggut leat dus ovdal leamašan? Makkár oahppu lea dus?

 

– Pensionista. Leamaš skuvlahoavda Kárášjogas ja Mátta-Várjjagis. Rektor leamaš Olmmáivákki skuvllas. Oahpaheaddjeoahpu váldán, sámegiella vuođđofágan UiO:s. Erenoamášpedagogihkka Bodø allaskuvllas. Ekonomalaš ja hálddahuslaš jođiheapmi Allaskuvllas Álttás.

 

Eatnigiella/ giella

 

– Sámegiella ja dárogiella.

 

 

Politihkalaš duogáš

 

Guđiid bellodagaid leat don ovddastan? Leat go leamašan sámediggeáirras?

 

– Leamaš sámediggeáirras áigodagas 2009-2013. Lean leamaš Kárášjoga Bargiidbellodagas, Deanu Olgešbellodagas, ja dan maŋŋel Ovddádusbellodagas. Čohkkán Kárášjoga ja Deanu suohkanstivrras máŋga áigodaga. Finnmárkku Fylkadikkis ovtta áigodaga.

 

 

Váibmoáššit

 

Makkár áššiide áiggut bidjat fokusa?

 

– Giella lea deháleamos.

 

Mii lea du mielas eanemus hástaleaddjin man Sámediggi ferte čoavdit čuovvovaš áigodagas?

 

– Duohtavuođakommišuvdna ii leat dárbbašlaš, ja Sámediggi ferte gávdnat vuogi mo mannat viidásit.

 

Čilge manne/manne eai galggaše minerála- ja ruvkefitnodagat oažžut lobi ásahit ja álggahit doaimmaid sámi guovlluin?

 

– Dat gal fertejit oažžut lobi ásahit doaimmaid, eat mii sápmelaččat ábut nu earáláganat leat. Dát lea oktasaš olles Norgga álbmogii.

 

Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?

 

– Deháleamos lea ahte šaddá guoddevaš guohtunvuođđu, ja dákko lea ráđđehus bargan buori barggu go lea unnidan boazologu.

 

Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit ealáhusas / álgit ealáhussii?

 

– Dát ii galgga leat erenoamáš sápmelaččaide, muhto buohkaide. Sámediggi ii berre bargat dáinna.

 

Mii lea dat stuorámus hástalus guolástusealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?

 

– Dát ii galgga leat erenoamáš sápmelaččaide, muhto buohkaide. Sámediggi ii berre bargat dáinna.

 

Sámegielat, movt berre sámediggi láhčit dili nu ahte nannejuvvojit čuovvovaš áigodagas?

 

– Skuvllat sámi guovlluin ožžot nohkka resurssaid čađahit oahpahusa sámegillii.

 

Makkár ođđa bargosajiid lea dehálaš vuoruhit čuovvovaš áigodagas?

 

– Dábálaš ealáhusain fertejit buoret rámmaeavttut leat.

 

Guhte ášši lea čuohcan dutnje eanemusat ja manne?

 

– Guolástanvuoigatvuođat Deanus. Báikkálaš olbmuin ii leat mihkke dadjamušaid, amas olbmot váldet badjelassii olles Deanuleagi. Muhto dát ii leat sámeášši, dát guoská olles suohkanii.

 

 

Beroštumit

 

Makkár astoáigedoaimmat leat dus?

 

– Luossabivdin.

 

Mii lea dat stuorámus man leat vásihan eallimis?

 

– Ahte mun lean dearvvaš. Mus leat njeallje máná ja gávcci mánáidmáná.

 

Maid dagat go áiggut vuoiŋŋastit?

 

– Oakkun duoddaris ja jogain. Návddašan luonddu.

 

Gii lea du stuorámus ovdagovva ja manne?

 

– Dát leat oallugat. Mu eanu lea okta dain, son oahpahii munnje olu dehálaš áššiid su áiggis.

 

På forsiden nå

Smávva bellodagat, mat eai beassan ovttain ge áirasiin Sámediggái, ožžo nubbin eanemus jienaid sámediggeválggas. – Dat jienat leat duohtavuođas mannan duššái, dego njuolggut bálkestuvvon ruskalihttái, lohká servodatberošteaddji.

Almmuhuvvon ikte, dii. 15:07 Čakčamánu 20. beaivi 2017

Lávvordateahkedis galgá leamaš biila Odd Henry Lahm viesu olggobealde Sieiddás. Politiijat ohcalit dál biilavuoddji.

Almmuhuvvon ikte, dii. 13:29 Čakčamánu 20. beaivi 2017

Norgga bargo- ja čálgoetáhta NAV šaddá eanet mobiila ja galgá geavaheddjiide láhčit buoret bálvalusaid.

Almmuhuvvon ikte, dii. 13:25 Čakčamánu 20. beaivi 2017

Mállásat leat menddo árrat dearvvasvuođaguovddážiin miehtá Norgga ja dat leat dagahan iešguđetlágan váttisvuođaid, dego váilevaš biebmama. Porsáŋggu gielda rievdadii boradanáiggiid čakčamánu 19. beaivvi, ja Kárášjoga gielda dieđiha sii maiddái áigot dan dahkat farggamusat.

Almmuhuvvon ikte, dii. 11:36 Čakčamánu 20. beaivi 2017

Kárášjoga gielda biehtta­la ahte sis leat guokte­nuppelogis vuordimin saji buhcciidruktui.

Almmuhuvvon ikte, dii. 09:25 Čakčamánu 20. beaivi 2017

RDM-Porsáŋggu musea bovde čájáhusrahpamii gos čájehit Liv Engholm govvačájáhusa. Son govve earret eará luonddu, olbmuid ja elliid, ja sus lea álo govvenapparáhtta fárus.

Almmuhuvvon ikte, dii. 11:32 Čakčamánu 20. beaivi 2017

Guovdageainnus šaddet čázi haga sullii njeallje diimmu.

Almmuhuvvon ikte, dii. 09:42 Čakčamánu 20. beaivi 2017

Politiijat dieđihit ahte leat ain olles veagain ohcamin Odd Henry Lahma Deanus.

Almmuhuvvon ikte, dii. 09:37 Čakčamánu 20. beaivi 2017

Dás beasat lohkat čoahkkáigeasu ivttá FeFo stivračoahkkimis, mas dahkkui historjjalaš mearrádus go ášši sáddejuvvui Sámedikki meannudeeapmái Finnmárkkolága vuođul. – Ledjen gal vuordán dan bohtosa, muhto goitge lean gal veahá beahtahallan go sávven ahte eanetlohku jienasta árválusa vuostá, logai Mathis Nilsen Eira maŋŋel čoahkkima.

12:39 Čakčamánu 19. beaivi 2017

Marit Mathisdatter Anti muittohuvvan isit, ferte máksit 9350 ruvnno mánnui orrut fuolahusvisttis Kárášjogas, ja eamida mielas leat dát olmmošmeahttun hattit. Oktiibuot go lea máksán buot rehkegiid, de báhcá son velggolažžan 2700 ruvnno mánnui.

10:09 Čakčamánu 19. beaivi 2017

Finnmárkku fylkkalávdegoddi válljii disdaga orrunmovtta bálkkašumi vuoiti.

Almmuhuvvon ikte, dii. 07:39 Čakčamánu 20. beaivi 2017

Dál lea viimmat Sea King seivon Sieidái ja lea gearggus vuolgit ohcat Odd Henry gii lea láhppon.

15:31 Čakčamánu 19. beaivi 2017

Gielddabargiguoktá leaba mielde ohcamin Odd Henry ja soai leaba bargan suinna máŋga jagi, sudnuide lea dehálaš ahte son gávdno.

14:33 Čakčamánu 19. beaivi 2017

Vahkku 38 galgá Stáda geaidnodoaimmahat čađahit busseboagándárkkistemiid. Sii sávvet ahte dán háve eai gávnna mánáid geat leat vuollel 15 jagi boarrásat ja leat luovos bussiin, nu go ovddit dárkkisteamis gávdne.

14:50 Čakčamánu 19. beaivi 2017