Čájáhusgovva

Boahtte vahku horo­skohpa

Leago ráhkesvuohta, buoret ruhtadilli vai riiddut vuordimis boahtte vahkus? Na dan oainnát boahtte vahko horoskohpas.

11:50 Skábmamánu 05. beaivi 2017

FIERCA

21/3-19/4

Ustitvuohta muhtimiidda čiekŋuduvvo, sáhttet dovddut čuožžilit muhtin ustibii maid.

Dasa lea vehá hástalus go dál vásihat eará beliid sus go ustitvuođa beliid.

Dál leat duostileabbo oktavuođaid čatnat, ­muhto sáhtát maid šaddat menddo vuovnnalažžan ja hárddát danin olbmuid iežat ala dahje ieš hárdašuvat.

Muhtimat gal sáhttet vuoitit dainna go dovddiidit lagabut.

 

 

VUOKSÁ

20/4-21/5

Earát vuhttojit buorebut du eallimis.

Dat sáhttá dan oktavuođas go dutnje lea deháleabbo čalmmustahttojuvvot.

Du mielas orru ahte earát čájehit iežaset buorebut go don dagat, muhto geahčes baicce sin ovttasbargoguoibmin ovdalii go gilvaleaddjin.

Don barggat garrasit rámi­deami dihtii, muhto lea váralaš menddo sakka rahčat ja gurret návccaidat.

 

 

JUMEŽAT

21/5-21/6

Dán vahkus de hágat menddo ollu badjelasas, don vuoittát das ja šaddá unnit hušša jus sirret ja oainnát mat leat dehálaččat ja mat eai.

Muhto dan seammás lea dus gilvovuoigŋa garraseabbo go muđui, ja mihtidat iežat singuin geain leat fárrolága.

Manná buorebut jus baicce iežat geainnuid čuovut.

Sosiálalaččat lea dus dat liigecahkkehus muhtin gaskavuhtii.

 

 

REABBÁ

22/6-22/7

Mannan vahkkoloahpa deaivvadeapmi dovdo juohkebeaivválaš eallimis stuorát ja fiinna vuordámušaiguin.

Don fertet diehtit dan jus menddo bajás bijat nubbái vuordámušaid, de lea váttis sus nagodit daid vuordámušaid.

Lea maid miella muhtimiiguin njálggistit vai dovdagoađát sin buorebut, muhto dat sáhttá maid nuppe guvlui geavvat.

Mo dal jo leaš, de ale buvtte ruoktot daid váivviid.

 

 

LEDJON

23/7-22/8

Ruovttu ja bearraša dilálašvuohta lea dál iskkadeamis, ja dál sáhtát geahččalit heive go dat kárta luonddu mielde.

Ruoktu maid sáhttá dat báiki gos ođđa oahpásnuvvamat gevvet.

Ovddeš dovddut fas ealáskit, ii ge leat daddjon ahte don daid čuvgehat.

Jus hárdašuvat, de johtilit suhtihat, erenoamážit čálalaš oktavuođas, nu ahte smiehtas ovdal go sáddet dan suhttosis e-poastta.

 

 

BUHTISNIEIDA

23/8-22/9

Dán vahkus lea álki háleštit buohkaiguin, muhto leat maid nu šiega ja it ge daja maidige jus lea mihkkege boastut.

Ekonomalaš gažaldagaid máhtát vástidit johtilit, muhto šiehtat earáiguin geaidda luohtát ovdal go maidige investeret.

Oappát sáhttet fáhkkestaga heammástuhttit, ja gávdnabehtet dan oktavuođa fas, muhto sáhttá leat juogalágan duogáš dainna oktavuođain.

 

 

VIEHKAT

23/9-22/10

Loahppavahkus olahat smáv­valágan vuoittu, ja giktaluvvot investeret juoga masa dus lea jáhkku.

Muhto garvve fal spealuid ja spekulašuvnnaid, go dat dilli ii leat ekonomalaččat sihkar, ja álkit sáhtát duolmmastit boastut.

Dál suhtihat johtileappot go dábálaččat, ja sáhtát geavvat riidduide ja boađus das lea ahte it sáhte bissehit iežat.

 

 

SKORPIUVDNA

23/10-21/11

Vahkkoloahpa lagabui deaivvadat muhtimiin gii maŋit áiggis šaddá dutnje mearkkašahttin, muhto dudnos fertejit gal oktasaš beroštumit jus galgá šaddat čiekŋalit ustitvuohta.

Dál sáhtát ovdanbuktit iežat oaiviliid vuosttalkeahttá ja persovnnalaš deattuin.

Muhto don maid leat menddo spontána ja álggahat áššiid fáhkkestaga, nu ahte fertet gal vuos doalahit julggiid eatnan alde ja oaidnit ovttaoaivilvuođa ovdal go menddo sakka doalahit iežas oaiviliid.

 

 

BÁHČČI

22/11-21/12

Dál válddát vuostá ja leat rabas earáid rávvagiidda go muđui.

Dat gártá ahte sáhtát ovddidit čiekŋalis ja váimmolaš oktavuođa guoibmái dahje ođđa ustibii, muhto maiddái vuostái váldit earáid negatiivvalaš vuoiŋŋaid.

Danin galggat ge vehá eahpesihkar eará olbmuide ja gávnnahit leat go sii luohttevaččat.

Muđui fertet váruhit dearvvasvuođa ja garvit gárrenmirkkuid.

 

 

BÁKTEBOHKKÁ

22/12-19/1

Oktavuohta ja ovttastallan lea dehálaš.

Olu dovddut maid bohciidit vahku álggus, ja muhtin áššiin leat nu garrasit mielde ahte it nagot oaidnit earáid ákkaid.

Vahku loahpas deaivvadat muhtimiin geas leat dat seamma vuogit, ja suinna háleštat geahppa­dit.

Son sáhttá leat bivnnut, muhto soaitá leat menddo iešlágan.

 

 

ČÁHCEOLMMÁI

20/1-18/2

Dál sáhtát oažžut ovddasvástádusa man ii leat vuordán, muhto maid liikká gieđahalat bures.

Dat sáhttá leat ávkin skuvla- ja bargo­oktavuhtii.

Jus it leat beroštan ovddidit muhtin áššiid ovdal, de lea dál rievttes áigi, álggos sáhttá leat dat váttis, muhto fargga manná juo iešalddis.

Don dovda­goađát buorebut muhtima geainna ­barggat ovttas ja ustitvuohta sáhttá ­čiekŋuduvvot.

 

 

GUOLIT

19/2-20/3

Juoga masa dus lea jáhkku sáhttá šaddat kreatiiva ­prošeaktan ja buktit suohttasis oahpásnuvvamiid, muhto ekonomiija sáhttá ­caggat dan ollašuhttimis.

Dál maid ­fuomášat ođđa ja gelddolaš fuomá­šumiid, dahje sosiálalaččat fuomášat ­gullevašvuođa muhtin jovkui.

Jus ­siskkáldasat it leat ovttaoaivilis iežat čuoččuhusain, de lea vuogas čuovvolit váimmu, vaikke du birrasis oaivvildit ­áibbas eará.

Fáddásánit
Guoimmuheapmi
Tags
Horoskohpa

På forsiden nå