Rabas virggit

Ohcanáigemearri
29.06.2017

Rabas virggit

Sámi joatkkaskuvla ja boazodoalloskuvla lea stáhtalaš joatkkaskuvla. Skuvla galgá láhčit ohppiide kvalitatiiva buori oahppandili mas vuođđun lea sámegiella, sámi kultuvra ja servodateallin. Skuvla fállá oahpahusa dáin oahppoprográmmain: luonddudoallu, design ja giehtaduodji, restauráŋŋa- ja biebmofágat, teknihkka ja industriijabuvttadeapmi, huksenfága ja oahppospesialiseren. Skuvla fállá gáiddusoahpahusa sámegielas ohppiide miehtá riikka. Skuvla fállá maiddái kurssaid nuoraide ja rávisolbmuide báikkálaš ealáhusaid ja servodaga dárbbuid mielde.

Oahpahusvirggit

Skuvllas leat 2017/2018 skuvlajahkái rabas oahpahusvirggit čuovvovaš fágain:

  • Julevsámegiella, virgi 50% rádjái skuvlajagi 2017/2018
  • Spánskagiella, gitta 60 % rádjái virgi skuvlajagi 2017/18
  • Eŋgelasgiella, gitta 100 % rádjái virgi skuvlajagi 2017/2018
  • Aktivitehtaoahppu ja lášmmohallan, gitta 70 % virgi skuvlajagi 2017/2018
  • Sámegiella, 60 % virgi, maid lea vejolaš lasihit 100 % virgái, skuvlajagi 2017/2018

Sáhttá maid šaddat oahpahit eará fágain, jus šaddet rievdadeamit ohcciid fágačoahkkádusaid ja vejolaš virgelobiid geažil. Eaktun biddjo maid ohppiidsisaváldin, joavkkuid oktiibidjan ja ahte sáhttet addot virgelobit. Lea sávahahtti kombineret fágaid olles virgin. Jus ohcciin leat eaŋkilfágat, de sáhttá leat oasseáiggevirgi áigeguovdil.

Sámegiela giellagáibádus ii guoskka spánskagiela ja eŋgelasgiela virgái.

Ohcciin berre ovddemuš leat alit fágamáhttu Jo2 ja Jo3 oahpahusdásis, ja attáldat buori oahppobirrasa ovddidit. Biddjo maid deaddu dasa ahte ohcci dovdá sámi servodaga.

Ohcat olbmuid geain leat attáldagat oažžut oktavuođa ja luohttámuša ohppiin ja bargoustibiin. Persovnnalaš heivvolašvuohta ja ovttasbargoattáldagat deattuhuvvojit.

 

Virgáibidjan čuovvu eavttuid mat leat mearriduvvon lágain, njuolggadusain, táriffa- ja sierrašiehtadusain mat gusket stáda virggiide. Bálkkás geassit penšuvdnamávssu Stáda penšuvdnagássii. Son gii virgáduvvo galgá politiijaduođaštusa buktit. Virggiin lea 6 mánu geahččalanáigi.

Ohcanáigemearri buot virggiide: geassemánu 29. beaivvi 2017

Ohcan oktan oahppo- ja bargoduođaštusaid máŋgosiiguin ja referánssaiguin sáddejuvvo: Sámi joatkkaskuvla ja boazodoalloskuvla / Samisk videregående skole og reindriftsskole, Ájastealli 5, 9520 Guovdageaidnu. Eambbo dieđuid oaččut jus válddát oktavuođa rektoriin Ellen Inga O. Hættain tlf. 78 48 45 00, mob. 90 10 20 55 ja e-boastta bokte: postmottak@samisk.vgs.no