Geahča govaid Kárášjoga ávvudemiin!
Geahča govaid Kárášjoga ávvudemiin!
Dán jagás miessemánu 17. beaivvi lágideaddji lea ADHD-Norgga Kárášjoga báikkálaš searvi.
– Gielda ii lean ožžon ovttage valáštallansearvvi, ii ovttage skuvllaluohká, lágideaddjin. Veaháš badjelaš guokte vahku áigi, deiven leat seamma čoahkkimis go gieldda njunnožat, šattai sáhka dan birra. Lohken mii leat unna searvváš, birrasii 20 miellahtu, ja sihkkarit sáhtášeimmet muhtin bargguide doaibmat. Dalle jerre eatgo mii sáhte lágidit miessemánu 17. beaivvi doaluid. Mii gávnnaheimmet mii sáhttit váldit dan teknihkalaš oasi go dasa lea mis návccat, muhto eat duostan váldit dan kafeadoaimma. Lea Kjells kafea mii doaimmaha kafeá valáštallanviesus go ii oktage eará ii váldán dan, muitala ADHD-Norgga Kárášjoga searvvi jođiheaddji, Anne Randi Solbakken.
Dán jagi orui miessemánu 17. beaivvi togaráidu guhkkit go láve dábálaččat. Olu olbmot serve togavázzimii, vulge ođđa kirkus, fitne boares kirku luhtte, bidje liđiid muitomearkkaid báldii ja jotke buhcciidossodaga ja fuolahusvusttiid šilljui, ja jotke Serbálaš muittomearkka lusa gosa bidje liđiid ovdalgo dollejedje Kárášjoga valáštallanvissui gosa buohkat čoahkanedje boradit, juhkat káfe, gullat guoimmuheami ja oassálastit stoahkamiin.
