Dihtorláhtten ja persovdnasuodjalus

Du dieđut – du válga

Mii háliidit buriin vugiin váldit du persovdnasuodjalusas vára, addit dutnje dieđuid, ja addit dutnje vejolašvuođa mearridit movt du dieđut galget čohkkejuvvot ja geavahuvvot.

Mat leat persovdnadieđut?

Persovdnadieđut leat dieđut maiguin sáhttá dovdát vissis olbmo, ovdamearkka dihte nama, čujuhusa, telefonnummara, e-boastačujuhusa. Sáhttet maid leat dieđut das movt don geavahat fálaldagaid, ovdamearkka dihte logat ođasartihkkaliid.

Makkár dieđuid mii gieđahallat, ja masa?

Mii čohkket ja geavahit dieđuid vai sáhttit dutnje fállat nu buriid fálaldagaid go vejolaš. Mii gieđahallat vuosttamuččat guovttelágan dieđuid; daid maid don ieš attát midjiide ja daid mat ilbmet go geavahat min fálaldagaid.

Vuosttamuččat geavahit mii dieđuid vai sáhttit:

  • heivehit sisdoalu, ovdamearkka dihte evttohit artihkkaliid du lohkanhistorihka vuođul
  • addit almmuhusaid ja mihtidit almmuhusaid statistihka, ovdamearkka dihte vai don oaččut almmuhusaid mat buoremusat heivejit dutnje, ja vai it oaččo seamma almmuhusa máŋgga geardde
  • addit ja hálddašit abonnemeantta ja eará fálaldagaid maid don oasttát dahje diŋgot
  • buoridit iežamet buktagiid ja ipmirdit mii min lohkkiid geasuha

Go mii gieđahallat dieđuid, de lea min ovddimus bargu dahkat dan sihkkaris ja ipmirdahtti vugiin.

Mii geavahit dieđuid iežamet lohkkiid birra máŋgga ulbmilii. Obbalaččat sáhttá namuhit ahte mii geavahit daid dieđuid vai sáhttit buvttadit buoret fálaldagaid geavaheddjiide ja almmuhusostiide, dahje ahte dieđuid geavaheapmi lea dehálaš vai sáhttit addit daid fálaldagaid maid geavaheaddjit leat diŋgon mis.

Dás vuolábealde muitalit mii dárkileappot movt mii geavahit dieđuid du birra dan golmma deháleamos doaibmasuorggis; doaimmahus, abonnemeanta ja almmuhusat.

Doaimmahus
Midjiide lea mearrideaddji ipmirdit movt geavaheaddjit geavahit min fálaldagaid, ja mas sii beroštit. Vai sáhttit čuovvut movt min fálaldagaid geavaheami ovdáneapmi lea, de čohkket mii statistihka das movt min digitála buktagiid geavaheapmi lea.

Dat statistihkka geavahuvvo čohkkejuvvon dásis vai sáhttit čuovvut min buktagiid ovdáneami, vai oaidnit geavahusa rievdadusaid áiggiid čađa, ja beaivválaš barggus vai oaidnit makkár sisdoalut lohkkojuvvojit. Das oažžu maid vuođu joatkit ain sihke fálaldagaid ja sisdoalu buvttaovddideami.

Ovdamearkkat dakkár statstihkas leat man galle geavaheaddji ja siidočájeheamit mis leat, man gallis lohket vissis áššiid, gos geavaheaddjit leat eret, makkár ovttadagain geavaheaddjit lohket sisdoalu jna.

Mii háliidit fállat iežamet geavaheddjiide nu olu relevánta ođas- ja geavaheaddjevásáhusa go vejolaš go sii geavahit min digitála buktagiid, ležžet dal guoskevaččat áigeguovdilis ođđasiidda dahje čadnon lohkkiid preferánssaide. Vai sáhttit hukset dakkár geavaheaddjevásáhusaid, de čohkket mii dieđuid das maid geavaheadjit lohket.

Geavaheddjiid lohkanhistorihka vuođul sáhttit mii muhtun dilálašvuođain heivehit sisdoalu mii čájehuvvo iešguđet geavaheaddjái, ovdamearkka dihte eat čájet áššiid maid juo leat lohkan, dahje ovddidit áššiid mat buorebut heivejit geavaheddjiid beroštumiide.

Abonnemeanta
Go don diŋgot min fálaldagaid, de lea midjiide dárbbašlaš oažžut persovdnadieđuid vai sáhttit deavdit min šiehtadusa duinna kunddarin. Mii fertet diehtit gosa galgat sáddet báberaviissa, gosa sáddet sms-dieđuid jus buvtta maŋŋona dahje makkár e-boastta don leat bidjan iežat sisabeassankontui.

Mii háliidit maiddái fállat buori geavaheaddjevásáhusa máŋgga kanálas, dan dihte sáddet mii maid dávjá doaimmahuslaš ođđasiid, buriid fálaldagaid ja eará sisdoalu iežamet abonneanttaide ja lohkkiide.

Fuom: Muhtun mediaásahusain Polaris Medias leat sierra kunddarklubbat, kulturkaleandarat ja sullalasaš fálaladagat. Dat eai leat namuhuvvon dán čállosis.

Almmuhusat
Almmuhusat leat konsearnna mediaásahusaid guovtti buoremus sisaboahtosuorggis, ja dat leat veahkkin ruhtadeame dehálaš journalistihka. Vai sáhttit fállat almmuhusostiide ja geavaheddjiide nu buriid relevánta almmuhusbuktagiid go vejolaš, de geavahit mii muhtun oktavuođain dieđuid geavaheddjiid birra vai sáhttit rátkit eret almmuhusaid. Dainna lágiin sáhttit mii heivehit almmuhusaid maid jáhkkit eanemus lági mielde relevántan juohke geavaheaddjái. Dan gohčodit dávjá ulbmillaš almmuheapmin, namalassii ahte mii dušše čájehit almmuhusaid vissis geavaheaddjejovkui mas lea eanet beroštupmi vissis almmuhussisdollui. Nu eai oaččo buohkat oaidnit dan seamma almmuhusa.

Mii fállat almmuhusostiide almmuhit iežaset almmuhusaid dihto geavaheaddjejoavkkuide – ii ge eaŋkilolbmuide – ovdamearkka dihte nisson-/dievdoolbmuide, ahkejoavkkuide mas lea 10 jagi interválla, geográfalaš joavkkuide fylka- ja suohkandásis, ja obbalaš beroštusjoavkkuide, ovdamearkka dihte sidjiide geat liikojit falástallamii. Dasa lassin geavahuvvojit dieđut almmuhusaid čájeheami stivremii vai seamma geavaheaddji ii oaččo seamma almmuhusa beare máŋgga geardde, ja  maid almmuhusoasti raporteremii, ovdamearkka dihte man gallis oidne almmuhusa, galle geardde lea deaddiluvvon jna.

Almmuhusoastit leat ieža juo viežžan dieđuid iežaset geavaheddjiid birra iešheanalaš ja lobálaš gieđahallanvuođuin vai sáhttet geavahit daid dieđuid go ostet almmuhusaid  nu gohčoduvvon programmáhtalaš vugiin. Das oaivvilduvvo ahte sii ostet almmuhusaid duohtaáiggis baserejuvvon das dovdá go almmuhusoastis  geavaheaddji dieđut ovdalaččas.

Jus almmuhusoastis leat don juo geavaheaddjin, de sáhttá almmuhusoasti geavahit dieđuid du birra, maid don leat suovvan almmuhusoasti geavahit, ráhkadit fálaldagaid mat leat heivehuvvon dutnje. Dan oktavuođas geavahit almmuhusoastit dieđuid maid ieža leat háhkan, ja dat leat dieđut mat eai leat mediaviesus dahje ii beasa geahččat daid. Čanastat du ja almmuhusoasti gaskka lea dávjá ahte dus leat diehtoboalut (cookies) vurkejuvvon du ovttadahkii maid almmuhusoastit dovdájit, muhto maid mediaviesut eai dieđe.

Don mearridat ieš iežat dieđuid

Dus lea riekti geahččat makkár dieđuid mii vurket dus, riekti oažžut dieđuid ja divvut boasttu dieđuid ja sihkkut dieđuid.

Earenoamážit journalistihka birra

Ávvir gieđahallá persovdnadieđuid oassin journalistihkalaš doaimmas. Cealkinfriddjavuođa ja gáldosuodjalusa dihte dattetge ii gusto journalistihka persovdnasuodjalusláhka. Ii oktage sáhte persovdnasuodjaluslága vuođul gáibidit jávkadit sisdoalu mii lea almmuhuvvon min mediaviesuin, dahje gáibidit ollislaččat oaidnit gálduid.

Mis lea sakka fokus gáldosuodjalussii ja dieđuid sihkarvuhtii, ja čuovvut sakka mielde ahte persovdnadieđut mat geavahuvvojit doaimmahuslaš proseassas galget gieđahallot sihkkaris vugiin ja gustovaš njuolggadusaid mielde.

Gii gieđahallá du dieđuid?

Du persovdnadieđuid geavaheapmi galgá čuovvut Persovdnadiehtolága. Ávviris lea ovddasvástádus persovdnadieđuid gieđahallamis, mat čohkkejuvvojit go don geavahat min fálaldagaid.

Diehtoboaluid birra (cookies)

Diehtoboalut leat sámvva fiillažat mat vurkejuvvojit geavaheddjiid ovttadagaide, ja mat dahket vejolažžan dovdat daid fas. Diehtoboalut leat dábálaš oasit interneahta infrastruktuvrras, ja mii geavahit diehtoboaluid earret eará vai don it dárbbat logget sisa juohke háve go logat neahttaaviissa. Mii suovvat iežamet almmuhusostiid geavahit analysareaidduid ja diehtoboaluid earret eará sin almmuhusaid statistihka mihtideapmái ja dovdat ovttadagaid vai don it oaččo seamma almmuhusa máŋgga geardde.

Reaiddut mat geavahit diehtoboaluid (cookies)

Vuolábealde lea listu das guđiid reaidduid Ávvir geavaha.

GálduGuhká gustoGeavahussuorgi
Revive annonse server1 jagiAlmmuhusservera statistihkka (Anonymisert cookie)
New Relic performance verktøySešuvdnaWebsiiddu monitoreren vai oažžut buoret doaibmannávccaid
Google Analytics2  jagiStatistihkka vai optimaliseret web-siiddu
Google Analytics1 minStatistihkka vai optimaliseret web-siiddu
Google Analytics1 beaivviStatistihkka vai optimaliseret web-siiddu
CMSSešuvdnaMuitala min almmuhanreidui ahte neahttalohkki dohkkeha Javascripta
Vimeo2 jagiStatistihkkareaidu Vimeo fálaldahkii
Doubleclick.net1 timeDoubleclick almmuhusfálaldaga statistihkka
Doubleclick.net2 jagiDoubleclick almmuhusfálaldaga statistihkka
Google1 jagiGoogle ohcanreaiddut
Doubleclick.net2 jagiDoubleclick almmuhusfálaldaga statistihkka
Avvir1 jagiAbonneanttaid sisaloggen
Avvir1 jagiAbonneanttaid sisaloggen
Avvir1 jagiAbonneanttaid sisaloggen
Doubleclick.net1 beaivvi, sešuvnna, 2 jagiDasa lassin vurkejuvvojit goalmmátoasi almmuhusostiid diehtoboalut

Movt sáhtán váldit eret diehtoboaluid (cookies)?

Neahttalohkki bagadusain gávnnat listtu buot diehtoboaluin mat leat vurkejuvvon. Lea maid vejolaš viežžat stuoridanreaidduid iežat neahttalohkkái mat leat earenoamážit ráhkaduvvon dan váste ahte sáhtát oaidnit makkár diehtoboalut ja eará gávdnanreaiddutt leat doaimmas iešguđet neahttasiidduin.

Gávdnojit maid nuvttá fálaldagat www.youronlinechoices.com/nor/ siiddus maiguin sáhtát bissehit beare olu guorranteknologiijaid oktanis.

Sáhtát bissehit dahje sihkkut diehtoboaluid iežat neahttalohkkis. Leat iešguđet vuogit dan dahkat iešguđet mašiinnain.

Min dáhkádus dutnje

Hálddašit du dieđuid dorvvolaš, geavaheaddjeustitlaš ja luohtehahtti vugiin lea okta min deháleamos bargguin. Go don geavahat min fálaldagaid, de galggat leat sihkar ahte luottat mat báhcet du maŋis galget hálddašuvvot sihkkaris vugiin – ja dieđusge Norgga lágaid vuođul.

Jus háliidat diehtit eanet persovdnadieđuid geavaheami birra, de sáddes e-boastta deike: post@avvir.no

Jus háliidat geahččat dahje sihkkut iežat persovdnadieđuid, de sáddes e-boastta deike: post@avvir.no