Sámedikki ovddasteaddjit Riddu Riđđu-festiválas. Govven: Risten Marja Anne Gaup

Sámediggi Riddu Riđus

Guhte festiválamanni diehtá eanemusat Sámedikki birra? Dan beassat vahkkoloahpa mielde diehtit.

 

 

 

18:10 Suoidnemánu 15. beaivi 2017
Ođastuvvon: 25.08.2017 - 13:31

Riđđu Riđđu-festivála guossit gilvalit gii máhttá eanemus sámedikki birra, ja galgá vuorbáduvvot vuoiti oasseváldiid gaskkas.

Silje Hovdenak ja Andre Nilsen leaba goappašagat eret Olmmáivákkis, ja leaba dán jagi beassan ovddastit Sámedikki festiválas.
Sámediggi lea okta Riddu Riđu sponsoriin ja sis lea leamašan diehtojuohkinbeavdi Riddu-doaluin 2011 rájes.

 

Árvádusat, gáffe ja boalut

Sámedikki vuovdinbeavddis lea árka mas leat gažaldagat.

Earret eará jerret gii Sámedikki presideanta lea, mii lea Tråante ja makkár ruhta lea Tråante ávvuruhta.

Buohkat geat servet leat mielde T-báiddi vuorbádeamis, ja muđui fállojuvvui gáffe ja herskot buot gussiide.

– Hui oallugat dihtet gii sámedikki presideanta lea, muhto muhtin gažaldagat sáhttet leat veahá dakkár fillengažaldagat ja daid vástidit muhtunat boastut, muitala Hovdenak. 

 

Geasuhit nuoraid

Sihke Hovdenak ja Nilsen muitaleaba ahte leat olu guossit leamašan.

– Leat hui olu nuorat mat bohtet munno beavddi lusa, muhto leat gal maid hui olu rávisolbmot. Ja hui olu nuorat háliidit daid «Sámás muinna»-giehtabáttiid ja boaluid maid sáhttá biktasii darvehit, muitala Hovdenak.

Fáddásánit
Čálestan dál!

På forsiden nå