ALMMUHA 2018:II PROGRÁMMA: Sámi Našunálateáhtera hoavda, Rolf Degerlund, bovde preassačoahkkimii gos áigu almmuhit boahtte jagi teáhterprográmma. Son lohpida ahte prográmma galgá heivet buohkaide. Govven: Nils Johan Vars

Teáhter­prográmma mii heive buohkaide

Sámi Našunálateáhter lea gearggus almmuhit boahtte jagi teáhterprográmma.

14:57 Skábmamánu 03. beaivi 2017

Sámi Našunálateáhter – Beaivváš lea ráhkadan teáhterprográmma boahtte jagi ovddas. Dan prográmma sii áigot almmuhit skábmamánu 21. beaivvi Guovdageainnus.

Sii álggahit preassadieđáhusas ná:

– De dát teáhterjahki – ávvojahki – lea juo manname loahpa guvlui ja de leage fas áigi álggahit ođđa teáhterjagi!

 

Buohkaide

Sii čállet ahte Sámi Našunálateáhter Beaivváš illuda almmuhit 2018 teáhterjagi prográmma mas leat čájálmasat sihke mánáide, nuoraide ja rávisolbmuide.

Almmuheapmi lea skábmamánu 21. beaivvi Guovdageainnus.

 

Beakkálmas

Teáhtera preassačoahkkimis oassálastet earret eará teáhterhoavda Rolf Degerlund, ja ovddeš teáhterhoavda Haukur J. Gunnarsson, gii dál lea fas Guovdageainnus bagadallin «Snøfrid» čájálmasas.

Maiddái dovddus čálli Knut Nærum lea finadeame Guovdageainnus ja lea mielde preassačoahkkimis.

 

Čájehit oasáža

Juste dál lea teáhter bargame dán jagi maŋemus buvttadusain, «Snøfrid», man Arne Berggren lea čállán, ja mas lea álgočájálmas ođđajagis.

– Mii čájehit maid oasáža «Snøfrid» čájálmasas – mas lea álgočájálmas ođđajagemánu 12.beaivvi, čállet sii vel loahpas.

På forsiden nå