Musea vuovdá Pollana girjji vuoliduvvonhaddái dušše dán eahketbotta. Musea vuovdá girjji olleshaddái muđui. Govven: RiddoDuottarMuseat preassagovva

«Nu go sápmelaš muitalii nuppi sápmelažžii»

Sámiid Vuorká-Dávvirat bovdejit bearjadatseminárii gos girječállii Brita Pollan muitala iežas ođđaseamos girjji birra. Girji lea dat vuosttaš mas sápmelaččat ieža muitalit kultuvrraset birra.

11:27 Skábmamánu 14. beaivi 2017

Sámiid Vuorká-Dávvirat, Kárášjogas bovde bearjadatseminárii skábmamánu 17. beaivvi dii. 17:30.

Brita Pollan, oskuhistorihkkár ja girječálli muitala girjjis birra. Seminára vuolggasadji lea Pollana ođđasamos girji: «Slik den ene samen har fortalt til den andre samen» (Emilia 2017).

Girječálli ságastallá guldaleddjiiguin ja signere girjiid, čállá RiddoDuottarMuseat preassadieđáhusas.

 

Sápmelaččat ieža muitalit kultuvrraset birra


Brita Pollan, oskuhistorihkkár ja girječálli, muitala girjjis birra. Seminára vuolggasadji lea Pollana ođđaseamos girji: Slik den ene samen har fortalt til den andre samen (Emilia 2017).

 Govven: RiddoDuottarMuseat preassagovva


Girji lea dat vuosttaš mas sápmelaččat ieža muitalit kultuvrraset birra.

Eará čállojuvvon muitalusat sámekultuvrra birra leat čállojuvvon Ruoŧa ja Norgga báhpaid ja miššonearaid čállosiid vuođul 1600- ja 1700-logus.

Olus sii geat dan áigge čálle sámiid birra, máhtte bures sámegiela ja ledje guhkit áigge ássan sámibirrasis, ja sin áicagat leat adnon duohtavuohtan.

Seammás sii oidne sámekultuvrra sin iežaset kristtalaš geahčastagain, ja ledje bálkáhuvvon sámekultuvrra rievdadit ja jorgalahttit sápmelaččaid kristtalaš oskui.

 

Sámekultuvra lei birodahku

Miššonearaid ja báhpaid oainnu mielde lei sámekultuvra birodahku.

Sámiid iežaset muitalusgáldut addet áibbas eará máhtolašvuođa sámekultuvrras, go dan maid báhpat ja miššonearat nákcejedje ovdanbuktit.

Sámiid iežaset muitalusaid bokte bohciida ođđa áddejupmi sámiid birra, ja man láhkái sápmelaččat leat ieža dulkon ja vásihan eallima.

RiddoDuottarMuseat dieđihit ahte seminára lea nuvttá ja gussiide lea guossoheapmi.

Fáddásánit
Kultuvra

På forsiden nå