Romsalaš ja sámi sogalaš Johann Forfang lea válljejuvvon riikajovkui go gullá Norgga buoremus njuikejeddjiide searvái. Govven: Terje Bendiksbø/NTB Scanpix

Forfang máilmmi­cupa rahpamii

Sámi sogalaš Johann Forfang ovddasta Norgga máilmmicupa rahpamis Wislas boahtte vahkkoloahpa.

15:06 Skábmamánu 14. beaivi 2017

Boahtte vahkkoloahpa lágiduvvo dálvvi vuosttaš máilmmicupa Wislas Polenis.

 

Romsalaš ja sámi sogalaš Johann Forfang ovddasta Norgga riikajoavkku njuikemis.

Maiddái Daniel-André Tande, Halvor Granerud, Andreas Stjernen, Robert Johansson ja Anders Fannemel besset fárrui, dieđihuvvui preassakonferánssas odne.

– Dál mii leat gergosat, ja gánddain lea vuoitomiella. Mii illudit. Lea hui gelddolaš oaidnit mo birgehallat njuikenáigodaga álggaheamis. Oaivvilda ahte leat válljen njuikejeddjiid geat dál leat buoremusat Norggas, lohká riikajoavkku hárjeheaddji Alexander Stöckl NTB ođasdoaimmahahkii.

Fáddásánit
Valáštallan

På forsiden nå