Ordo UB lea geahččalemiin Linken ealáhusguovddáža 2017 čavčča. Govven: Ordo UB

Nuoraid­fitnodagat geavahit ealá­husaid oahppan­arenan

Čakčat leat oahppit eanaš joatkkaskuvllain Finnmárkkus ásahan nuoraidfitnodagaid ja sis leat čielga fitnodatjurdda. Olles skuvllajagi áigot sii geahččalit duohtandahkat fitnodatjurdaga, sihke buvttadeami, márkanfievrredeami ja vuovdima bokte.

13:45 Golggotmánu 12. beaivi 2017
Ođastuvvon: 12.10.2017 - 14:36

«Ungt entreprenørskap»:s lea ulbmil ahte ohppiin lea nu realisttalaš oahppanarena go vejolaš, ja dan ožžot jus sis lea buorre oktavuohta skuvlla ja ealáhusa gaska.

Diibmá geahččalii ge danin «Ungt entreprenørskap Finnmark» nuoraidfitnodaga jurddašanvuogi. Báikkálaš bárgo- ja ealáhuseallimis ledje ge bovdejuvvon pánelii váikkuhit nuoraidfitnodaga jurddašanvuohkái čehppodagainis.

Báhcavuona- ja Čáhcesullo joatkkaskuvllat ledje skuvllat mat lihkostuvvo bures dainna jurddašanvugiin.

 

Viiddidit fálaldaga eanet skuvllaide

Dán jagi háliida «Ungt entreprenørskap» viiddidit fálaldaga vel eanet skuvllaide Finnmárkkus, ja dan oktavuođas lea Sápmi ealáhusguovddáš, Porsáŋggu ovdánahttinossodat Tivoli north, Girkonjárgga ealáhusguovddáš ja Varanger ealáhusguovddáš dieđihan ahte sii sáhttet veahkehit nuoraidfitnodagaid Finnmárkkus geahččaleapmái.

Sápmi ealáhusguovddáš veahkeha fas nuoraidfitnodaga geahččaleami sihke Deanu joatkkaskuvllas, Sámi joatkkaskuvllas Kárášjogas, Leavnnja joatkkaskuvllas ja Sámi joatkka- ja boazodoalloskuvllas Guovdageainnus.

– Sis Finnmárkkus lea dárbu nuorra fitnodatovddasteddjiide, ja lea hui buorre midjiide Sámi ealáhusguovddážis beassat veahkehit nuoraid geat háliidit geahččalit iežaset fitnodatjurdagiid, ovttas Ungt Entreprenørskapain, dadjá Sámi ealáhusguovddáža beaivválaš jođiheaddji Marianne Balto.

Fáddásánit
Ođđasat

På forsiden nå

Kárášjoga gielddastivračoahkkimis ikte jienastii posišuvdna virgádit ođđa ekonomiijabargi veahkehit gieldda čorget váttes ekonomalaš dilálašvuođa.  Várresátnejođiheaddji John Nystad (SáB) lohká ahte gielddas lea hoahppu oažžut veahki.

Almmuhuvvon odne, dii. 15:22 Golggotmánu 20. beaivi 2017

Stádaministara mielas lea buorre go ráđđehusas leat golbma nissona njunnošis. Ine Eriksen Søreide lea Norgga vuosttaš nisson olgoriikaministtar.

Almmuhuvvon odne, dii. 14:51 Golggotmánu 20. beaivi 2017

Riddu Riđđu AS stivrajođiheaddji Christina Henriksen muitala ahte sii leat duhtavaččat bargoveagain geat galget jođihit álgoálbmotfestivála ovddasguvlui.  – Mis lea áigumuš ahte Riddu Riđđu galgá leat dat deháleamos álgoálbmotfestivála, lohká son preassadieđáhusas ja lohká jáhkkit ođđa festiválahoavdda ja beaivválaš jođiheaddji dahkat buori barggu.

Almmuhuvvon odne, dii. 14:33 Golggotmánu 20. beaivi 2017

Statistihkalaš guovd­dášdoaimmahat árvala máŋga gáldu gos gávnnašii sámegielagiid, ovdamearkka dihte geahččat geat čužžot mearkaregistaris ja geat leat čađahan sáme­giel­eksámeniid.

Almmuhuvvon odne, dii. 13:21 Golggotmánu 20. beaivi 2017

Ruoŧŧelaš, gii lei iežas ustiba mielde goargŋumin Vågakallen 943 alla váris Lofuohtas, gahčai ikte eahkedis ja dál lea Nordlándda politiijaguovllu dieđihan ahte almmái lea gávdnon jápmán.

Almmuhuvvon odne, dii. 14:10 Golggotmánu 20. beaivi 2017

Politiijat muittuhit ahte sáhttá 9000 ruvdnosaš sáhkku jus gožžá eará sajiide go hivssegii.

Almmuhuvvon odne, dii. 12:39 Golggotmánu 20. beaivi 2017

Sámediggeráđđi lea dál bargagoahtán 2018 bušeahtain. Dál oaivvildit ahte sin doaibmanvejolašvuohta lea garrasit gáržžiduvvon, smávva lassáneami geažil stádabušeahtas.

Almmuhuvvon odne, dii. 13:31 Golggotmánu 20. beaivi 2017

Sámedikki ovddasteaddjit čoahkkinaste gieskat ON mánáidlávdegottiin Genéves. Sámediggi ovdanbuvttii muhtun hástalusaid maid sámi mánát ja nuorat vásihit.

Almmuhuvvon odne, dii. 11:54 Golggotmánu 20. beaivi 2017

Ovdalaš áiggi masse olu boazosámit iežaset rivttiid ja duvdiluvvojedje eret ealáhusas. Masá 50 jagi maŋŋel go Baal-bearaš massii eallinláibbis, de háliidivččiiga oappážagat ruovttuluotta boazodollui. Norgga Árktalaš Universitehta juridihkalaš professor Øyvind Ravna dadjá dán váddása duohken.

Almmuhuvvon odne, dii. 07:00 Golggotmánu 20. beaivi 2017

Romssa fylkkadiggi lea árvalan nama ođđa fylkii mii ovttastahttá dálá Finnmárkku ja Romssa.

Almmuhuvvon odne, dii. 11:18 Golggotmánu 20. beaivi 2017

Fargga 30-jahkásaš ii leat vel gávdnon maŋŋel gahččanlihkuhisvuođa Vågakallenis, lulábealde Svolværa Lofuohtas.

Almmuhuvvon odne, dii. 10:33 Golggotmánu 20. beaivi 2017

Njealji mánu geahčen cáhkkehuvvo fas Olympiadolla, dán háve Pyeongchangas, ja Kroghas lea fas vejolašvuohta geahččalit ollašuhttit OG-niegu.

Almmuhuvvon odne, dii. 10:32 Golggotmánu 20. beaivi 2017

Politiijat ávžžuhit dieđihit jus leat eambbo áššit. Psykologa rávve movt galgá hupmat nuoraiguin váttis áššiid birra.

Almmuhuvvon ikte, dii. 15:35 Golggotmánu 19. beaivi 2017

Juohke jagi gávdnet sii bohccuid maidda leat sorron boares telefon­streaŋggat, ja bohccuid mat leat darvánan daidda ja jápmán meahccái. – Dál lea áigi čálligoahtit beaivesáhkuid Telenorii, oaivvilda boazodoalli.

Almmuhuvvon ikte, dii. 13:50 Golggotmánu 19. beaivi 2017