Finnmárkku Risttalaš álbmotbellodaga Ann Solveig Nystad ii beasa Stuorradiggái. 
Vuorkágovva: Astrid Helander

Nystad ii beassan Stuora­diggái

Kárášjohkalaš Ann Solveig Nystad ii beassan Stuorradiggái go Risttalaš álbmotbellodat ii birgen beare bures válggas.

13:28 Čakčamánu 12. beaivi 2017
Ođastuvvon: 12.09.2017 - 13:28

Risttalaš álbmotbellodat ii olahan go badjelaš njeallje proseantta stuorradiggeválgga jienain, ja njiedjá masá beannot proseanttain, čájehit válgabohtosat.

Maiddái Finnmárkkus oažžu bellodat unnit jienaid go ovddit stuorradiggeválggas, ja dat mearkkaša ahte eai oaččo áirasa Stuoradiggái.

Finnmárkku Risttalaš álbmotbellodaga vuosttaševttohas lea kárášjohkalaš Ann Solveig Nystad.

 

Njiedjá miehtá Finnmárkku

Su ruovttugielddas jienastedje 3,8 proseantta Risttalaš álbmotbellodaga, jienat njidjet 0,8 proseanttain.

Maiddái eará Sámi gielddain Finnmárkkus jienastit unnit olbmot Risttalaš álbmotbellodaga.

Oktiibuot oažžu Risttalaš álbmotbellodat 2,1 proseantta jienain Finnmárkkus, mii lea masá proseantta unnit go ovddit stuorradiggeválggas.

Fáddásánit
Stuorradiggeválggat

På forsiden nå