GOPMÁNAN: Helikopter gopmánii Lágesduoddaris. Helikopter govas ii leat gullevaš dán dáhpáhussii. Čájáhusgovva: Torstein Bøe / NTB scanpix

Helikopter gopmánii

Bivdobearráigeahččit ledje helikopteris.

15:24 Čakčamánu 12. beaivi 2017

Disdaga ovdalgaskabeaivvi ledje boazopolitiijat, Stáhta Luonddubearráigeahčču ja Finnmárkkuopmodat bearráigeahččame bivddu.

Go galge seaivut Lágesduoddarii, de dáhpáhuvai juoga seaivumis mii dagahii ahte helikopter gopmánii. Dáhpáhus galgá geavvan Ilisráhppáid ja Gurteskáiddi guovllus.

– Buot njealjis besse dearvan helikopteris, eai leat bahuid roasmmehuvvan, cealká Finnmárkku politiijaguovllu operašuvdnajođiheaddji Thomas Pettersen preassadieđáhusas.

Ásahusat leat ožžon dieđu dáhpáhusa birra, ja olbmot geat ledje helikopteris ožžot čuovvoleami.

Áibmojohtolatkommišuvdna lea ožžon maid dieđu dáhpáhusa birra. Poltitiijat leat dutkagoahtán dáhpáhusa, vai gávnnahit mii lea dáhpáhuvvan.

Fáddásánit
Ođđasat

På forsiden nå