FeFo áigu oažžut eambbo ipmárdusa Finnmárkulaččaid oaggundábiid birra, ja danin juohká nuvttá oaggunkoarttaid. Govven: Yngve Beddari

Badjel 1.000 leat háhkan nuvttá oaggunkoartta

Eambbo ja eambbo finnmárkulaččat leat álgán háhkat nuvttá oaggunkoartta Finnmárkkuopmodagas. Vuosttaš jahkebealis leat juo badjel 1.000 olbmo registreren iežas.

13:23 Suoidnemánu 04. beaivi 2017

2016:s álggahii FeFo eaktodáhtolaš ortnega Finnmárkku ássiide, nuvttá oaggunkoartta sáivaguollebivdui.
Duogáš nuvttá oaggunkoarttaide lei go FeFo:s lei eambbo máhttu olgoriikalaččaid ja galledeaddji astoáiggeguolásteddjiid oaggundábiid birra, go Finnmárkulaččaid oaggundábiid.

 

Go lea máhttu, de lea buoret hálddašeapmi

- Nuvttá oaggunkoartaortnegiin oažžut mii máhttu mii mis váilu, ja sáhttit danne dahkat deaivilet hálddašandoaimmaid, buoremussan buohkaide. Illudahttá danne ahte 1000 olbmo leat rábidan alcceseaset nuvttá oaggunkoartta Finnmárkui, dadjá meahccehálddašeaddji Kristin Hornset.


Kristin Hornset muitala ahte sis váilu máhttu ja danin illuda ge go 1000 olbmo leat juo viežžan nuvttá oaggunkoartta. Govven: Yngve Beddari

 

Vuosttaš jahkebeali 2017:s leat 3.497 vuvdon oaggunkoartta ja 1.004 nuvttá oaggunkoartta Finnmárkui, main leat 106 nuvttá oaggunkoartta nuoraide.

26.969 guoli leat raporterejuvvon, dain ledje 18.834 rávddu.

 

- Mii vuordit vuollegis raporterenproseantta geasset. Ollusat leat olgun guollebivddus, ja raporterejit danne maŋŋelet, lohká Hornset.

 

Stuorra doaibma Báhčaveaijogas

FeFo álggahii geassemánus ovttasráđiid báikkálaš aktevrraiguin oaggunguovllu mas lea bákkolaš oaggunkoarta buot oagguide Báhčaveaijogas, maiddái doppe nuvttá Finnmárkku bissovaš ássiide.

Maiddái dainna lea ulbmil buoridit máhttu oagguma birra Norgga beale čázádagas, geassemánus leat juste dan čázádagas doibmiibiddjon ja raporterejuvvon eanemus oaggunbeaivvit.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Lávvardaga suoidnemánu 29.beaivvi álggahuvvojit dat beakkán Norway Cup spábbačiekčamat Oslos. Dasa servet joavkkut miehtá máilmmi, ja dán jagi servet ge maid Nordlysa G16 gánddat čiekčamiidda.

Almmuhuvvon odne, dii. 10:09 Suoidnemánu 24. beaivi 2017

Biilavuoddji ii bisánan go vujii bohcco njeaiga.

Almmuhuvvon ikte, dii. 13:36 Suoidnemánu 23. beaivi 2017

Dieđihuvvojedje buollimat Sieidejávrris, poliitijá vuoddjái veahkehit.

Almmuhuvvon odne, dii. 09:43 Suoidnemánu 24. beaivi 2017

550 olbmo Norggas sorbmejit iežaset juohke jagi. 75 proseantta sis leat almmáiolbmot. Dál čájehuvvo ahte dearvvašvuođaiskkadeapmi militearasešuvnnas sáhttá čielggadit geat sii leat.

Almmuhuvvon ikte, dii. 13:27 Suoidnemánu 23. beaivi 2017

Juohke goalmmát pasieantta gii iežas elektronalaš journála lea lohkan, dovdá eanet oadjebassan go deaivvada dearvvašvuođalágádusain. Ođđa iskkadeapmi čájeha ahte lea olu ávki pasieanttaide beassat lohkat doaktáriid ja divššáriid veardidemiid. Dan dieđiha DIPS preassadieđáhusas.

Almmuhuvvon ikte, dii. 14:38 Suoidnemánu 23. beaivi 2017

Politiijat leat dutkame vejolaš cahkkehemiid, guovtti barttas Gáivuonas, Romssas.

Almmuhuvvon ikte, dii. 12:19 Suoidnemánu 23. beaivi 2017

Reastaluvvamat ealáhusain leat njiedjan 5,6 proseanttain diimmá jagi ektui. Dattege leat bággoheaitimat lassánan 14,3 proseanttain.

Almmuhuvvon ikte, dii. 13:01 Suoidnemánu 23. beaivi 2017

Verddečiekčamiid finála vuoiti mearriduvvui maŋŋel gelddolaš ráŋggáštusčievččasteami Sáivuomi siidda ja Skuohttanjárgga dievdoluohká čiekčamis. Nissoniid luohkás vutte Ráisanieiddat. Geahča video:

20:32 Suoidnemánu 22. beaivi 2017

Verddečiekčamiin leat unnon joavkkut ja lágideaddjit oidnet hástalussan buolvamolsuma mii čiekčamiin dál dáhpáhuvvá, ja áigot ain geahččalit nuorat olbmuid geasuhit searvat.

12:45 Suoidnemánu 22. beaivi 2017

Stuorra sámi álgoálbmot risttalaš konferánssa lágiduvvo Lákšjogas Deanus ja leat sullii 700 olbmo geat oassálastet konferánsii. Lágideaddji Arild Måsø lohká soai eaba gal vuollánan eamidiinnis Ragnhildain, vaikke vuosttaš jagi bohte dušše 12 olbmo konferánsii. Dál njeallje jagi maŋŋá soai leaba ge lihkostuvvan doaluiguin.

12:02 Suoidnemánu 22. beaivi 2017

Sámedikki doaibmi presideanta Mariann Wollmann Magga čállá suoidnemánu 22. beaivvi leat dáhtoniin man ii goassege vajálduhte.

11:33 Suoidnemánu 22. beaivi 2017

Gottii stuorraluosaid.

11:54 Suoidnemánu 22. beaivi 2017

Namma: Anna Nedrejord

Ahki: 17

Guovlu: Kárášjohka

10:21 Suoidnemánu 22. beaivi 2017

Álttás galget muittašit dán lossa ja váivves dáhpáhusa mii dáhpáhuvai Oslos ja Utøyas guhtta jagi áige.

10:15 Suoidnemánu 22. beaivi 2017