«Ronja og guttan» lea okta joavkkuin mat čuojahit Sun Station-doaluin. Govva: Finnmárkku fylkkagielda

Sierra nuoraid­fálaldat Sun Station-doaluide

Sun Station-doaluin, mat lágiduvvojit Čáhcesullos, lea dán jagi sierra nuoraidfálaldat.

15:18 Geassemánu 16. beaivi 2017

Nuoraidáŋgiruššan lea UKM Finnmárku, Nuorra Artista, Rockebusse Finnmárku ja Varangerfestivalen gaskasaš ovttasbargoprošeakta, lohká UKM Finnmárkku fylkkajođiheaddji Karoline Tandberg.

– Mii háliidat áŋgiruššat nuorain ja kultuvrras, ja erenoamážit bidjat fuomášumi nuorra musihkkariidda, muitala Tandberg.

 

Sierra nuoraidkonsearta

Duorastaga geassemánu 22. beaivvi lágiduvvo nuoraidkonsearta Kooperativet konseartalávddis. Konsearta lea nuoraid várás ja sisabeassan lea nuvttá.

 Artisttat geat lávkejit lávddi ala leat nuorra musihkkarat iešguđet báikkiin fylkkas, ja buohkat leat searvan 2017 UKM doaluide.

 

Nuorra artisttat

Jack of hearts lea blues-pop-joavku Álttás eret. Sii leat Simen Schjølberg, Leif R. Nilsen, Markus Sørnes ja Kristian Vegge.

Olesya Burtseva lea 18 jagi boaris ja lea Deanus eret. Son čuojaha gitára, čállá ja lávlu šuoŋaid maid son lea ieš čállán.

Ronja og Guttan, Čáhcesullos eret, leat Ronja Lindbach, Jonas Tjelle, Ronny Mehmi ja Patrik Olsen. Sii čuojahit pop- ja balládašuoŋaid maid sii leat ieža čállán.

 

Bargobádji artisttaide

– Mii leat ovttas ráhkadan Sun Station-doaluid «line-up», ja mii leat hui rápmásat go beassat čájehit čeahpes ja nuorra musihkkariid, cealká Tandberg.

Dan lassin go čuojahit nuoraidkonsearttas, de besset velá nuorra artisttat searvat bargobádjái dovddus artisttaiguin Steve Wynnain (Dream Syndicate joavkkus) ja Linda Pitmonain (Baseball Project joavkkus).

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.
Fáddásánit
Kultuvra

På forsiden nå

Odne bearjadat eahkes 21:00 áigge lei johtolatlihkohisvuohta Kárášjogas. Čieža olbmo ledje lihkohisvuođas ja golbmasa vieččai Sea-King gádjunhelikopter. Ii ovttas ge leat heaggavárra. (Geahča filmma vulogeahčen ášši).

Almmuhuvvon ikte, dii. 23:02 Borgemánu 18. beaivi 2017
Almmuhuvvon ikte, dii. 14:32 Borgemánu 18. beaivi 2017

Eilertsena mielas ii leat vuogas seaguhit ­politihka festiválii dahje Facebook ­siidduide main lea eará ulbmil. Kvernmo fas lea ­dolkan go earáid mielas lea buot boastut maid son bargá.

Almmuhuvvon ikte, dii. 14:51 Borgemánu 18. beaivi 2017

Dálkkádat- ja birasministtar Vidar Helgesen lea almmuhan ahte maŋiduvvo ođđa láhkaásahus buhtadusa birra boraspire goddán bohccuid ovddas.

Almmuhuvvon ikte, dii. 14:40 Borgemánu 18. beaivi 2017

Sámedikki ráđđelahttu muitala ahte sii áigot Sámedikki bealis dál diggái mannan stáhta vuostá, fárro­laga Deatnočáhcádaga vuoigatvuođaguddiiguin.

Almmuhuvvon ikte, dii. 13:08 Borgemánu 18. beaivi 2017

Listanjunnošat galget gažaduvvot, ja sii hástaluvvojit gielisvuohtadetektor iskosiin, debáhta ja čiekŋalis jearahallamiid bokte.

Almmuhuvvon ikte, dii. 12:30 Borgemánu 18. beaivi 2017

Son lea juo badjel guokte vahku firpmiin bivdán lobiheamet Ohcejoga, ja dál orru áššis su beallái čoavddus.

Almmuhuvvon ikte, dii. 11:31 Borgemánu 18. beaivi 2017

NSR Viesttarmeara válgabiire vuosttaševttohas Mikkel Eskil Mikkelsen áigumuš lea ásahit giellaguovddáža gáhtten dihtii bihttán- ja julevsámegiela.

Almmuhuvvon ikte, dii. 12:23 Borgemánu 18. beaivi 2017

Son lea šaddan iežas fierbmebivddu gáržžidit 86 proseanttain ovddit Deanušiehtadusas ektui.

Almmuhuvvon ikte, dii. 11:29 Borgemánu 18. beaivi 2017

Duopmu mas guokte boazosápmelačča leaba dubmejuvvon giddagassii, go diggi gávnnahii sudno verrošan boranávdebuhtadusaiguin ja suoládan bohccuid, guoddaluvvo Alimusriektái. Nuppi dievddu advokáhtta lohká duomu hirpmástuhttin.

Almmuhuvvon ikte, dii. 10:51 Borgemánu 18. beaivi 2017
16:04 Borgemánu 17. beaivi 2017

Sámi mánáin ja ohppiin leat nu boares oahpponeavvut ahte eai ollašuhte oahppoplána gáibá­dusaid. Olu jagiid leat oahpaheaddjit ieža gártan buvttadit dohkálaš oahpponeavvuid. Sámi oahpa­husfierpmádat oaivvilda ahte lea áigi geahčadit buvttadanvuogádaga vai oahpponeavvobuvttadeapmi šattašii njuovžileabbon.

15:00 Borgemánu 17. beaivi 2017

Vaikko Statskog lea divodan máŋga bartta geasset, de dieđihit sii ahte dan dihte leat láigohan seamma ollu barttaid go diimmá geasi, vaikko soames barttat ledje gitta. Dál rahpasa vel okta barta olbmuide.

15:29 Borgemánu 17. beaivi 2017

Nuorttabealde ráji, Ahkkánjárgga lahka, Loktačohkka várrestašuvnnas Ruoŧas, lea borgan mannan ija.

15:20 Borgemánu 17. beaivi 2017