HEHTTET DÁVDDA NJOAMMUMA: Gottiin Nordfjellas lea gávdnon CWD-dávda. Dál lea Eanandoallo- ja biebmodepartemeantta ráhkadan ođđa láhkaásahusa vai dávda ii njoamo eará elliide. Govven: Stian Lysberg Solum / Scanpix

Ođđa láhka­ásahus vai CWD ii leava

Láhkaásahus gieldá earret eará jeahkáliid viežžamis Nordfjella ja Selbu guovllus.

15:26 Geassemánu 16. beaivi 2017
Ođastuvvon: 17.06.2017 - 12:17

Eanandoallo- ja biebmodepartemeantta lea ráhkadan ođđa láhkaásahusa, mii galgá veahkkin eastadit CWD-dávdda leavvama.

Guokte guovllu leat ásahuvvon, gos leat čavgadit njuolggadusat.

Guovllut leat Nordfjellas ja Selbus. Daid guvlluin leat čavgadit njuolggadusat movt bivdu galgá doaibmat, movt elliid, njuovvanbázahusaid ja bivdoávdnasiid galgá gieđahallat. Leat maid erenoamáš njuolggadusat fuođđarbiebmamii ja sáltegeđggiid olggosbidjamii.

Lea maid mearriduvvon ahte olles goddenálli Nordfjellas galgá jávkaduvvot ovdal miessemánu 1. beaivvi boahtte jagi.

 

Hehttet njoammuma

Dat njuolggadusat leat boahtán go CWD-dávda lea gávdnon dáin báikkiin, ja vai ii galggašii njoammut viidábut. CWD-dávda njoammu elliid gaskkas, ja dávda sáhttá guhka bistit birrasis.

Go CWD-dávda orru eatnamis guhká, de ii leat lohpi viežžat šattuid dahje eará mii galgá adnot biebmun sarvvaelliide. Earret eará, ii leat lohpi jeahkáliid bordit ja váldit daid olggos sonas.

Jus eallit leat čoahkkanan ovtta sadjái, de njoammu álkibut. Danne ii leat go lohpi biebmat fuođđariiguin, dahje sáltegeđggiid bidjat olggos.

Áidna lea jus sáltegeađgi lea áiddi siste, nu ahte sarvvaeallit eai beasa.

 

Ii lohpi jeahkáliid viežžat

Láhkaásahusas čuožžu maid ahte ii leat lohpi sarvvaelliid sirdit olggos sonas, go buohcci elliin ii soaitte dovdot dávda ovdal mealgat maŋŋil go dávda lea njommon.

Bohccuid gal lea lohpi sirdit, jus johtet guohtunnjuolggadusaid mielde, dahje jus leat sáddejuvvon njuovahahkii.

Jápmán dahje goddon elliid ii leat lohpi váldit olggos sonas, ii obbanaga ii ge osiid.

Jus lea duođaštuvvon ahte eallis ii leat dávda, de oažžu váldit olggos sonas. Siskkáldasat sonas lea lohpi sirdit.

Olles láhkaásahusa gávnnat dáppe.

Avvir.no sávva rabas ja áššálaš digaštallama. Mii doalahit rievtti sihkkut sátnevuoruid.

På forsiden nå

Vaikke Norgga Boazo­sápmelaččaid Riikasearvi lea leamašan Dálkkádat ja Birasdepartemeantta stáhtačállin čoahkki­mis, de ii lean liikká stáhtačálli gullan ge SNO ja NOS čanastagaid.

Almmuhuvvon ikte, dii. 16:47 Geassemánu 26. beaivi 2017

Victoria J.knutsen lea Miel­lahttun «Samiske Kofter/Gákti» Joavkkus. Dohko son juogadii gova mas oaidnit muhtima vuovdaleame dan maid gohčo­dii «juoiganšávkan» dahje dárogillii «Joikelue».

Almmuhuvvon ikte, dii. 16:30 Geassemánu 26. beaivi 2017

Ávvir lágida dál oaggungilvvuid mas leat vuoittut sihke mánáide ja rávisolbmuide. Searvva don ge!

Almmuhuvvon ikte, dii. 11:44 Geassemánu 26. beaivi 2017

Dán jagáš stuorimus dáhpáhus Bieskenjárggas lea BeskánLuossaRock festivála mii lágiduvvo lávvordaga. Lágideaddjit vurdet ollu olbmuid joavdat doaluide ja ahte luosat maid leat ollen Beskenjárgii.

Almmuhuvvon ikte, dii. 14:14 Geassemánu 26. beaivi 2017
Ohppet mo bargoeallin doaibmá:

Báhtareaddji Abdulhamid lea ilus go beassá geahččalit ­bargoeallima. Son lea okta njealljásis geat dál leat bargohárjehallamis Kapros.

Almmuhuvvon ikte, dii. 15:10 Geassemánu 26. beaivi 2017

Guovdageainnu rap-joavku, Duolva ­Duottar beassá loahpahit dán jagáš Riddu Riđđu festivála.

Almmuhuvvon ikte, dii. 14:56 Geassemánu 26. beaivi 2017

Das ovddasguvlui boahtá dat áigi goas olu telefovnnat cuovkanit. Loga dás movt dan eastadat.

Almmuhuvvon ikte, dii. 14:01 Geassemánu 26. beaivi 2017

Gávcci Guovdageainnu čiekči leat beassan mielde Sápmi joavkkuide, ja leat gergosat čiekčat spáppa Bihttánis dán geasi.

12:06 Geassemánu 25. beaivi 2017
POLITIIJALOGGA:
14:50 Geassemánu 25. beaivi 2017
MANNAN IJA DÁHPÁHUSAT:

Dan vahkkoloahpa ledje ollu dáhpáhusat maid Finnmárkku politiijat šadde čoavdit. Dás oainnát mannan ija dáhpáhusaid.

11:19 Geassemánu 25. beaivi 2017

Ovtta sihkkelasti leat dolvon buohccivissui go lea bahut roasmmohuvvan go vujii sihkkeliin badjel luotta sihkkelgilvvus Álttás odne. Okta geahčči galgá maid roasmmohuvvan dáhpáhusas.

12:14 Geassemánu 24. beaivi 2017

Politiijat leat váldán gitta guokte dievddu Finnmárkkus, go galgaba cápmán ovtta dievddu nu ahte šattai buohccivissui.

11:54 Geassemánu 24. beaivi 2017

Guohcahádja haksogođii jur studeanttaid njune vuollái. Ávviris lea dál čilgehus dasa.

09:56 Geassemánu 24. beaivi 2017

Sámediggeráđđi lea beahttašuvvamiin Finnmárkku buohcciviesu mearrádussii heaittihit 10 virggi fáhkka ambuleanta joavkkus psykiátralaš dearvvašvuođas gokčan dihtii doaimma vuollebáhcaga.

10:49 Geassemánu 24. beaivi 2017